मुंबई : सध्या शेअर मार्केटमध्ये अनेक घडामोडी घडत आहेत. अनेक शेअरमध्ये घसरण होत आहे तर काही शेअर वाढताना दिसत आहे. त्यात Elcid Investment ज्याची किंमत आता त्याच्या उच्चांकावरून लक्षणीयरीत्या घसरली आहे. फक्त १३ महिन्यांत Elcid Investment च्या शेअरची किंमत जवळपास २ लाख रुपयांनी घसरली आहे.
टायर कंपनी MRF चा स्टॉक, जो एकेकाळी या स्टॉकपेक्षा मागे होता, तो आता सातत्याने त्याच्या पुढे आहे. Crorepati स्टॉक त्याच्या उच्चांकावरून ६०% घसरला आहे. गेल्या वर्षी, २०२४ मध्ये, त्याने इतके चांगला परतावा दिला होता. मात्र, जून २०२४ मध्ये ३ रुपयांना किंमत असलेला हा स्टॉक अचानक ३ लाख रुपयांवर पोहोचला आणि नंतर वाढतच राहिला. ८ नोव्हेंबर २०२४ रोजी तो ३.३० लाख रुपयांच्या पुढे गेला. पण त्यानंतर घसरण सुरू झाली, ज्यामुळे गुंतवणूकदारांमध्ये अस्वस्थता होती.
गेल्या १३ महिन्यांत करोडपती एलसिड शेअर सुमारे ६० टक्क्यांनी घसरला आहे आणि त्याची किंमत १९९४७२ रुपयांवर आली आहे. गुरुवारी आठवड्याच्या चौथ्या ट्रेडिंग दिवशी, गुंतवणूकदारांना करोडपती बनवणारा हा मल्टी-बॅगर स्टॉक ४२२ रुपयांनी घसरून १३१००२ रुपयांवर व्यवहार करत होता. या घसरणीमुळे कंपनीचे बाजार भांडवलही २६२० कोटी रुपयांवर घसरले आहे.
