नवी दिल्ली: २००० च्या नोटांबाबत आरबीआयने मोठा खुलासा केला आहे . रिझर्व्ह बँकेने (RBI) २००० रुपयांच्या नोटा चलनातून रद्द करण्याची घोषणा केल्यानंतर दोन वर्षे उलटूनही, देशात ६,१८१ कोटी रुपयांच्या नोटा अजूनही चलनात आहेत. सोमवारी जाहीर झालेल्या आरबीआयच्या आकडेवारीनुसार, या नोटा अजूनही कायदेशीर चलन मानल्या जातात.
१९ मे २०२३ रोजी आरबीआयने २००० रुपयांच्या एकूण ३.५६ लाख कोटी रुपयांच्या नोटा चलनात होत्या. ताज्या आकडेवारीनुसार, ३१ मे २०२५ पर्यंत ही रक्कम ६,१८१ कोटींवर आली आहे. याचा अर्थ एकूण ९८.२६% २००० रुपयांच्या नोटा सिस्टममध्ये परत आल्या आहेत.
२००० च्या नोटा कुठे आणि कशा जमा करायच्या?
७ ऑक्टोबर २०२३ रोजी बँकांमध्ये २००० रुपयांच्या नोटा जमा करण्याची किंवा बदलण्याची सुविधा बंद करण्यात आली असली तरी, लोक अजूनही रिझर्व्ह बँकेच्या १९ जारी कार्यालयांमध्ये त्या जमा करू शकतात.
आरबीआयने असेही सांगितले की लोक त्यांच्या २००० रुपयांच्या नोटा टपाल विभागामार्फत (इंडिया पोस्ट) आरबीआय कार्यालयांना पाठवू शकतात आणि त्या थेट त्यांच्या बँक खात्यात जमा करू शकतात.
येथे हे लक्षात घेण्यासारखे आहे की, २००० रुपयांच्या नोटा अजूनही कायदेशीर चलन आहेत म्हणजेच त्या अवैध घोषित केलेल्या नाहीत. परंतु, या नोटा आता नवीन नोटा म्हणून दिल्या जात नाहीत आणि लोकांना हळूहळू त्या प्रणालीतून काढून टाकण्याचे आवाहन केले जात आहे.
