मुंबई: भाजप मंत्री नितेश राणे यांनी शिवसेना (यूबीटी) नेते आदित्य ठाकरे यांच्याबाबत वादग्रस्त विधान केले आहे. आदित्य ठाकरे उद्या बुरख्यात लपून भारत-पाकिस्तान सामना पाहतील. त्यांचा आवाज असा आहे की त्याचा त्यांना फायदा होईल. ते पाकिस्तान झिंदाबादचे नारेही देतील, अशी वादग्रस्ती टिपण्णी नितेश राणे आदित्य ठाकरे यांनी केली आहे. या प्रकरणाशी संबंधित व्हिडिओ सध्या सोशल मीडियावर व्हायरल होत आहे, ज्यात राणे आदित्य ठाकरेंची खिल्ली उडवत आहेत.
नितेश राणे यापूर्वीही अनेकदा वादग्रस्त विधाने करून चर्चेत राहिले आहेत. हिंदी भाषेवरील वादाच्या वेळी त्यांनी म्हटले होते, ‘जर उद्धव ठाकरे बीएमसी निवडणुकीत जिंकले तर मुंबईचे महापौर अब्दुल किंवा शेख होतील, तर मुंबईचे हिंदू सुरक्षित राहतील का? तसेच त्यांनी म्हटलं होतं की, ‘जर तुम्हाला शाळा बंद करायच्या असतील तर मदरसे बंद करा. तिथे दहशतवाद शिकवला जातो, तलवारी सापडतात. तिथे मराठी कोण शिकते? जर तुम्हाला कोणाच्या कानात मारायचे असेल तर मीरा रोडच्या (मुस्लिमबहुल) नया नगरमध्ये मारा. तिथे सभा व्हायला हवी होती. तिथे शरिया कायदा पाळला जातो. जर उद्धव जिंकले तर मुंबईचे महापौर अब्दुल किंवा शेख होतील, मग मुंबईचे हिंदू सुरक्षित राहतील का? जिहादी देशाला इस्लामिक राष्ट्र बनवू इच्छितात, अशी टिका देखील नितेश राणे यांनी केली होती.
दरम्यान, नितेश राणे यांनी दुकानदाराला मारहाण करणाऱ्यांना आव्हान दिले होते की गोल टोपी घालणाऱ्यांना मराठी बोलायला लावा.गरीब हिंदूंना मराठी न बोलल्याने मारहाण केली जात आहे, पण दाढी आणि गोल टोपी असलेल्यांना कोणीही काहीही बोलत नाही. त्यांनी शिवसेना यूबीटी आणि मनसे कार्यकर्त्यांना आव्हान दिलं आणि म्हटलं की जर त्यांच्यात हिंमत असेल तर त्यांनी नाल बाजार आणि मोहम्मद अली रोडवर लोकांना मराठी बोलायला लावावे.
