Satish Bhosale Acquitted : बीडमध्ये चर्चेत असलेला सतीश उर्फ खोक्या भोसले वर्षभरानंतर कारागृहातून बाहेर आला असून त्याची निर्दोष मुक्तता झाली आहे. ढाकणे पिता-पुत्राला मारहाण केल्याच्या प्रकरणात न्यायालयाने त्याला दिलासा दिला, तर बॅटने मारहाण प्रकरणात त्याला जामीन मंजूर झाला आहे.
कारागृहातून बाहेर पडताच खोक्या भोसलेने पुन्हा सोशल मीडियावर एन्ट्री घेत मित्रांसोबत रील्स बनवल्याचा व्हिडिओ व्हायरल झाला आहे. त्यामुळे पुन्हा एकदा तो चर्चेत आला आहे.
खोक्या भोसलेवर याआधी मारहाण, वन्यप्राण्यांची शिकार आणि दहशत निर्माण करणारे व्हिडिओ अशा अनेक गंभीर गुन्ह्यांची नोंद आहे. गाडीत पैशांचे बंडल दाखवणे, हेलिकॉप्टरमधून एन्ट्री आणि आलिशान जीवनशैलीमुळे तो सतत चर्चेत होता.
दरम्यान, कारागृहात असताना त्याचे शिरूर परिसरातील ग्लास हाऊसही जमीनदोस्त करण्यात आले होते. आता सुटकेनंतर त्याच्या पुढील हालचालींकडे सर्वांचे लक्ष लागले आहे.
