Bhiwandi: भाजपाचे आमदार महेश चौघुले व माजी महापौर विलास पाटील यांच्या गटात जोरदार हाणामारी झाली. ही घटना रविवारी रात्री ९ वाजेच्या सुमारास घडली आहे. विलास पाटील समर्थकांनी आमदार महेश चौघुले यांच्या छत्रपती शिवाजी महाराज चौकातील कार्यालयात घुसून कार्यकर्त्यांना बेदम मारहाण केली आहे.
पोलिसांनी वेळीच धाव घेत परिस्थिती नियंत्रणात आणली आहे, मात्र परीसरात मोठा तणाव निर्माण झाला आहे.
दोन्ही नेत्यांमध्ये वाद काय?
महापालिका निवडणुकीत प्रभाग एकमध्ये भाजपा आमदार महेश चौघुले यांचा मुलगा मित चौघुले हा आणि माजी महापौर विलास पाटील यांचा मुलगा मयुरेश पाटील यांच्या विरोधात निवडणूक रिंगणात होते. पाटील यांनी चौघुले यांचा पराभव केला आहे. मात्र उमेदवारी अर्ज भरल्यापासूनच या दोन्ही गटात हाणामारी झाल्याचे घटना घडल्या होत्या.
भाजप आमदार महेश चौघुले व माजी महापौर विलास पाटील यांच्या गटात जोरदार हाणामारी झाल्याची घटना राविवारी रात्री ९ वाजेच्या सुमारास भिवंडीमध्ये घडली.#Maharashtra #CrimeNews #viralvideo pic.twitter.com/YuHtNfQSJ7
— Lokmat (@lokmat) January 18, 2026
असे काय घडले की वाद वाढला?
रविवारी सायंकाळी उशीरा विलास पाटील आपल्या मतदारांचे आभार मानत असतानाच भाजपा आमदार समर्थकांनी विलास पाटील यांच्या घरावर हल्ला केला.या हल्ल्याची माहिती विलास पाटील यांना समजताच विलास पाटील व त्यांच्या समर्थकांनी आमदार महेश चौघुले यांच्या छत्रपती शिवाजी महाराज चौकातील कार्यालयात घुसून आमदार चौघुले समर्थकांना बेदम मारहाण केली. या घटनेमुळे परिसरात मोठा पोलीस बंदोबस्त ठेवण्यात आला असून परिसरात तणाव निर्माण झाला आहे.
