मुंबई : सध्या स्मार्टवॉचचा वापर वाढला आहे. हे स्मार्टवॉच ट्रेंडमध्ये आहेत. आजकाल अनेकजण याचा वापर करताना दिसत आहे. बरेच लोक बजेटमध्ये स्मार्टवॉच खरेदी करण्याचा विचार करत आहेत. तुम्हाला अगदी १००० पासून स्मार्टवॉच विकत घेता येऊ शकते. मात्र, १५०० रुपयांपर्यंत तुम्हाला चांगले स्मार्टवॉच मिळू शकतात.
तुम्हाला 1500 रुपयांपर्यंत अनेक पर्याय मिळतील. यात Noise, boAt आणि गोबॉल्ट सारखे ब्रँड सर्वाधिक पर्याय देतात. या ब्रँड्सचे वॉच तुम्हाला मिळू शकतील. नॉईज ट्विस्ट हा एक चांगला पर्याय आहे, विशेषतः ज्यांना गोल डायल आवडतो त्यांच्यासाठी हा बेस्ट असा ठरत आहे. त्यात १.३८-इंच टीएफटी स्क्रीन आहे. या वॉचची किंमत १४९९ आहे. तुम्हाला या किमतीत जेट ब्लॅक पर्याय मिळू शकतो, तर इतर रंगांची किंमत जास्त आहे.
तुम्ही गोल डायलसह boAt लूनर डिस्कव्हरी देखील मिळवू शकता. हे वॉच १.३९-इंच एचडी डिस्प्लेसह मिळत आहे. हे वॉच ब्लूटूथ कॉलिंग, हेल्थ ट्रॅकिंग आणि नेव्हिगेशनसारख्या फीचर्ससह मिळत आहे. त्याची किंमत १३९९ रुपयांपासून सुरू होते.
हॅमर अल्ट्रा क्लासिक हा देखील एक चांगला पर्याय असू शकतो. या वॉचमध्ये २.०१-इंचाचा डिस्प्ले आहे. त्यात ऑलवेज-ऑन डिस्प्ले, ब्लूटूथ कॉलिंग आणि शक्तिशाली बॅटरी देण्यात आली आहे. हे ड्युअल-मोड कनेक्टिव्हिटी देते. त्याची किंमत १२९९ आहे. तुम्हाला या बजेटमध्ये फास्ट्रॅक एक्स घड्याळ देखील मिळू शकेल.
