Pimpri Chinchwad Election Result 2026: पिंपरी-चिंचवड महानगरपालिकेच्या १२८ जागांसाठी झालेल्या अटीतटीच्या लढतीत अखेर भारतीय जनता पक्षाने निर्भेळ यश मिळवत आपली सत्ता राखली आहे. मतमोजणीच्या सुरुवातीपासूनच भाजपने घेतलेली आघाडी शेवटपर्यंत कायम ठेवत बहुमताचा ६५ हा आकडा सहज पार केला आहे. या निकालामुळे उपमुख्यमंत्री अजित पवार आणि शरद पवार यांच्या एकत्र आलेल्या राष्ट्रवादी काँग्रेसला (एकत्रित पॅनल) त्यांच्याच बालेकिल्ल्यात मोठा धक्का बसला आहे.
प्रभाग ३: विमाननगर-लोहगावची चुरस
या हाय-प्रोफाइल प्रभागात भाजप आणि राष्ट्रवादीत काँटे की टक्कर पाहायला मिळाली:
- अ गट: राष्ट्रवादीच्या उषा कळमकर यांनी भाजपच्या श्रेयस खांदवे यांचा पराभव करत बाजी मारली.
- ब गट: भाजपच्या अनिल सातव यांनी राष्ट्रवादीच्या सुनील खांदवे यांना पराभूत केले.
- क गट: भाजपच्या ऐश्वर्या पाटील यांनी उज्ज्वला खांदवे यांचा पराभव करत विजय मिळवला.
- ड गट: राष्ट्रवादीच्या बंडू खांदवे यांनी भाजपच्या रामदास दाभाडे यांच्यावर मात केली.
निकालाचे मुख्य पैलू
अजित पवार आणि शरद पवार यांच्या गटांनी या निवडणुकीत भाजपला रोखण्यासाठी हातमिळवणी केली होती, मात्र मतदारांनी पुन्हा एकदा भाजपच्या विकासाला कौल दिल्याचे दिसत आहे. मुंबईत आणि पुण्यात काही प्रमाणात प्रभाव असलेल्या ठाकरे गट आणि मनसेला पिंपरी-चिंचवडमध्ये खाते उघडण्यासाठीही संघर्ष करावा लागला. मतदानापूर्वीच भाजपचे दोन उमेदवार बिनविरोध निवडून आल्याने भाजपचे मानसिक बळ सुरुवातीपासूनच उंचावलेले होते.
