Varandha Ghat Closed: पुणे आणि कोकणाला जोडणारा महत्त्वाचा दुवा असलेला वरंधा घाट आजपासून पुढील महिनाभर सर्व प्रकारच्या वाहतुकीसाठी बंद करण्यात आला आहे. रस्ते विकास आणि दुरुस्तीच्या कामांना वेग देण्यासाठी प्रशासनाने ३० एप्रिल २०२६ पर्यंत या मार्गावरून वाहने नेण्यास पूर्णपणे बंदी घातली आहे.
प्रशासकीय निर्णय आणि कारणे
पुणे जिल्हाधिकाऱ्यांच्या आदेशानुसार, हिरडोशी ते वरंधा घाट या पट्ट्यात राष्ट्रीय महामार्ग विभागाकडून रस्त्याचे मजबुतीकरण आणि सुरक्षेच्या उपाययोजना केल्या जात आहेत.
कालावधी: २५ मार्च ते ३० एप्रिल २०२६.
बंदीचे स्वरूप: जड आणि हलकी अशा दोन्ही प्रकारच्या वाहनांना प्रवेश बंदी. कामाच्या ठिकाणी वाहनांची वर्दळ धोकादायक ठरू शकते, त्यामुळे भोर पोलिसांनी या मार्गावर चोख बंदोबस्त तैनात केला आहे.
तुमचा कोकण प्रवास आता ‘या’ मार्गांनी करा
वरंधा घाट बंद असल्यामुळे प्रवाशांचा खोळंबा होऊ नये, यासाठी प्रशासनाने खालील पर्यायी मार्गांचा वापर करण्याचे आवाहन केले आहे:
१. ताम्हिणी घाट मार्ग :
पुणे – मुळशी – ताम्हिणी घाट – माणगाव. हा मार्ग सध्या सर्वात सुरक्षित असून कोकणात जाण्यासाठी उत्तम पर्याय आहे.
२. महाबळेश्वर – पोलादपूर मार्ग:
सातारा किंवा वाई मार्गे महाबळेश्वर आणि तिथून पोलादपूरमार्गे कोकणात उतरता येईल. मात्र, या मार्गावर प्रवासाचा वेळ १ ते २ तासांनी वाढू शकतो.
