मुंबई : सध्या अनेक सेलिब्रिटी आहेत. त्यात दिशा पटानी बॉलिवूडमधील आघाडीच्या अभिनेत्रींपैकी एक आहे. चाहते तिला मोठ्या पडद्यावर पाहण्यासाठी उत्सुक आहेत. दिशाची मोठी बहीण खुशबू ही देखील भारतीय लष्करातील माजी मेजर आहे. ती तिच्या इन्स्टाग्राम रील्सद्वारे युझर्सचे मनोरंजन करते. आता, दिशाप्रमाणेच खुशबू देखील ओटीटी प्लॅटफॉर्मवर दिसणार आहे. मात्र, ती अभिनय करणार नसून सूत्रसंचालन करणार आहे.
खुशबू पटानीचा नवीन रिॲलिटी शो, “ट्राइबव्हर्स,” येत आहे, ज्यामध्ये ती ‘फुकरा इंसान’ म्हणून ओळखल्या जाणाऱ्या यूट्यूबर अभिषेक मल्हानसोबत दिसणार आहे. या शोचा प्रोमो आधीच प्रदर्शित झाला आहे. अभिषेक आणि खुशबूचा शो ईशान्येकडील नागालँड शहरात चित्रित झाला आहे, जिथे ते अनेक सोशल मीडिया इन्फ्लुएन्सर्सचे आयोजन करणार आहेत. “ट्राइबव्हर्स”चे स्वरूप नागालँडच्या प्रसिद्ध कोन्याक जमातीवर आधारित आहे. या शोमध्ये भारतातील १६ आघाडीचे सोशल मीडिया इन्फ्लुएन्सर्स सहभागी होतील, ज्यांना त्या जमातींप्रमाणे जगावे, खावे आणि टिकून राहावे लागेल.
या जमातींचे जीवन जगणे आणि शिकण्यावर आधारित असेल. हा शो त्यांना प्रत्येक टप्प्यावर आव्हान देईल, दररोज नवीन कार्ये सादर करेल आणि त्यांना अंतिम शर्यतीपर्यंत घेऊन जाईल. केवळ तेच स्पर्धक शोमध्ये पुढे जातील जे कोन्याक जमातीशी जुळवून घेतील आणि आपल्या कल्पकतेने खेळ जिंकतील. खुशबू पटनीचा ‘ट्राइबव्हर्स’ हा रिॲलिटी शो १७ एप्रिलपासून जिओ हॉटस्टारवर स्ट्रीम होण्यास सुरुवात होईल.
