नवी दिल्ली : सरकारी दूरसंचार कंपनी बीएसएनएलने आपल्या ग्राहकांसाठी बेस्ट प्लॅन आणला आहे. कंपनीने एक प्लॅन दीर्घ वैधतेसह दररोज डेटा देत आहे. ज्या ग्राहकांना व्हिडिओ स्ट्रीमिंग किंवा ऑनलाईन गेमिंगसाठी अधिक डेटाची आवश्यकता आहे, त्यांच्यासाठी हा रिचार्ज प्लॅन खूप उपयुक्त ठरू शकतो. यात ७० दिवसांची वैधता देखील आहे, ज्यामुळे वारंवार रिचार्ज करण्याचा त्रास दूर होतो.
या प्लॅनच्या माध्यमातून इतरही अनेक फायदे मिळत आहेत. सरकारी कंपनीच्या ५९९ रुपयांच्या प्लॅनमध्ये दररोज ३ जीबी हाय-स्पीड डेटा, देशातील कोणत्याही नेटवर्कवर अमर्यादित कॉल्स, मोफत नॅशनल रोमिंग आणि दररोज १०० एसएमएस मिळतात, ज्याची वैधता ७० दिवसांची आहे. म्हणजेच दररोज ९ रुपयांपेक्षा कमी खर्चात वापरकर्त्यांना वैधता, हाय-स्पीड डेटा आणि अमर्यादित कॉलिंगचे फायदे मिळत आहेत. तुम्ही व्हिडिओ स्ट्रीमिंग करत असाल, ऑनलाइन गेम्स खेळत असाल किंवा ऑनलाइन क्लासेस किंवा मीटिंग्सना उपस्थित राहत असाल, हा प्लॅन तुमच्या सर्व गरजा पूर्ण करेल.
प्लॅनसोबत BiTV चा मोफत ॲक्सेस
BSNL या नवीन प्लॅनसोबत BiTV चा मोफत ॲक्सेस देखील देत आहे. याचा अर्थ तुम्ही टीव्ही चॅनेल्सचा मोफत आनंद घेऊ शकाल. तुम्ही सबस्क्रिप्शन खरेदी न करता निवडक OTT शोज देखील पाहू शकता.
Jio चा प्लॅन महाग
BSNL च्या नवीन रिचार्ज प्लॅनच्या तुलनेत, सरकारी कंपनीचा प्लॅन लक्षणीयरीत्या स्वस्त आहे. जिओच्या ₹११९९ च्या प्लॅनमध्ये दररोज ३ जीबी डेटा मिळतो. मात्र, त्याची वैधता आणि फायदे BSNL पेक्षा जास्त आहेत. जिओच्या ₹११९९ च्या प्लॅनमध्ये ८४ दिवसांची वैधता, दररोज ३ जीबी डेटा + अनलिमिटेड ५जी डेटा, अनलिमिटेड व्हॉइस कॉलिंग आणि दररोज १०० एसएमएस मिळतात.
