Solapur Crime News : सोलापूरच्या मीनाक्षी नगर परिसरात किरकोळ कारणावरून घडलेल्या खुनाच्या घटनेने खळबळ उडाली आहे. झोपेत पाय लागल्याच्या कारणावरून झालेल्या वादातून महेश गुरुसिद्धप्पा सावळतोटे या मजुराची निर्घृण हत्या करण्यात आली.
घटनेच्या दिवशी महेश तेलगू शाळेजवळील मोकळ्या जागेत झोपला होता. त्यावेळी आरोपी नागनाथ उर्फ सोमनाथ जवळकोठे याचा पाय महेशला लागला. यानंतर दोघांमध्ये वाद झाला आणि शिवीगाळीचे रूपांतर मारहाणीत झाले.
रागाच्या भरात आरोपीने जवळच असलेला दगड उचलून महेशच्या डोक्यात मारला. गंभीर जखमी झालेल्या महेशचा जागीच मृत्यू झाला. दोघेही दारूच्या नशेत असल्याची माहिती समोर आली आहे.
घटनेची माहिती मिळताच एमआयडीसी पोलिसांनी आरोपीला ताब्यात घेतले असून त्याच्याविरुद्ध गुन्हा दाखल करण्यात आला आहे. पुढील तपास सुरू आहे.
Bookmark (0)
Please login to bookmark
Close
