नवी दिल्ली : ऑस्ट्रेलियन संशोधकांनी एक नवीन उपकरण तयार केले आहे, जे एखाद्या व्यक्तीच्या आरोग्य डेटाचे विश्लेषण करेल आणि आर्टिफिशियल इंटेलिजेंसच्या (एआय) मदतीने भविष्यात त्या व्यक्तीला टाइप १ मधुमेह होण्याचा किती धोका आहे हे शोधून काढेल.
वेस्टर्न सिडनी विद्यापीठातील संशोधकांनी हे उपकरण तयार केले आहे. हे उपकरण केवळ टाइप १ मधुमेह होण्याच्या जोखमीचे मूल्यांकन करत नाही तर एखाद्या व्यक्तीचे शरीर रोगाच्या उपचारांना कसे प्रतिसाद देईल हेदेखील सांगू शकते. हे उपकरण डायनॅमिक रिस्क स्कोअरचा वापर करते, जे एखाद्या व्यक्तीला टाइप १ मधुमेह आहे की नाही हे सांगते. हे उपकरण मायक्रोआरएनएवर आधारित आहे. रक्तात आरएनएचे खूप लहान तुकडे असतात, जे टाइप १ मधुमेहाचा धोका शोधण्यात मदत करतात.
विद्यापीठाच्या स्कूल ऑफ मेडिसिन अँड ट्रान्सलेशनल हेल्थ रिसर्च इन्स्टिट्यूटचे प्राध्यापक आनंद हर्डीकर म्हणाले, टाइप १ मधुमेहाचा धोका आधीच जाणून घेणे खूप महत्त्वाचे आहे. संशोधन लेखानुसार भारत, ऑस्ट्रेलिया, कॅनडा, डेन्मार्क, हाँगकाँग, न्यूझीलंड आणि अमेरिकासारख्या देशांमधील सुमारे ५,९८३ लोकांच्या नमुन्यांचे विश्लेषण केले. त्यानंतर संशोधकांनी हा स्कोअर योग्यरीत्या काम करत आहे की नाही, हे जाणून घेण्यासाठी आणखी ६६२ लोकांवर त्याची चाचणी केली. उपचार सुरू केल्यानंतर फक्त एक तासाने स्कोअरने अंदाज लावला की, टाइप १ मधुमेह असलेले कोणतेही लोक इन्सुलिनशिवाय बरे होऊ शकतील.
