नवी दिल्ली: सरकारी नोकरीचे स्वप्न पाहणाऱ्या तरुणांना बीएसएफमध्ये काम करण्याची संधी आहे. सीमा सुरक्षा दलाने (बीएसएफ) कॉन्स्टेबल ट्रेड्समनच्या 3588 जागांसाठी जाहिरात प्रसिद्ध केली आहे. याअंतर्गत मान्यताप्राप्त बोर्डातून दहावी उत्तीर्ण उमेदवार अर्ज करू शकतात. दहावी आणि आयटीआय प्रमाणपत्र उत्तीर्ण उमेदवारांना निमलष्करी दलात भरती होण्याची ही उत्तम संधी आहे. ही पदे कॉन्स्टेबल (ट्रेड्समन) या श्रेणीत येतात आणि स्वयंपाकी, मोची, टेलर, वॉटर कॅरिअर, वॉशरमन, स्वीपर, सुतार अशा विशिष्ट व्यवसायांसाठी आहेत. ऑनलाईन अर्ज करण्याची प्रक्रिया 26 जुलै 2025 पासून सुरू होईल आणि उमेदवार 25 ऑगस्ट 2025 पर्यंत अर्ज करू शकतील.
या पदासाठी निवड झालेल्या उमेदवारांना पे लेव्हल-3 मध्ये ठेवण्यात येईल. सातव्या वेतन आयोगानुसार त्यांना दरमहा 21,700-69,100 वेतन मिळणार आहे. परंतु २५ ऑगस्टनंतर या पदासाठी अर्ज स्वीकारले जाणार नाहीत, हे लक्षात ठेवा. या भरती प्रक्रियेत सहभागी होणाऱ्या उमेदवारांना बीएसएफ भरती बोर्डाद्वारे घेण्यात येणारी ट्रेड परीक्षा उत्तीर्ण होणे आवश्यक आहे. नेट बँकिंग, यूपीआय, डेबिट/क्रेडिट कार्ड किंवा इतर उपलब्ध माध्यमांद्वारे शुल्क ऑनलाईन भरता येईल. त्याची संपूर्ण माहिती आणि सूट अंतिम अधिसूचनेत दिली जाईल. उमेदवारांना परीक्षा केंद्रावर मोबाइल फोन किंवा इलेक्ट्रॉनिक उपकरणे यासारख्या प्रतिबंधित वस्तू घेऊन जाण्याची परवानगी नसेल.
महत्वाच्या तारखा
अर्ज करण्याची शेवटची तारीख : २६ जुलै २०२५
अर्ज करण्याची शेवटची तारीख : २५ ऑगस्ट २०२५
अधिसूचना जारी करण्याची तारीख : 22 जुलै 2025
पदांचा तपशील:
एकूण पदे : ३,५८८
पुरुष उमेदवार : 3,406
महिला उमेदवार : १८२
कोण करू शकतो अर्ज?
वयाची अट :
किमान वयाची अट : १८ वर्षे
कमाल वयाची अट : २५ वर्षे
राखीव प्रवर्गासाठी सरकारी निकषांनुसार वयोमर्यादेत सूट.
शैक्षणिक पात्रता :
सुतार, प्लंबर, इलेक्ट्रिशियन, पेंटर, पंप ऑपरेटर, अपहोल्स्टर अशा व्यवसायांसाठी:
मान्यताप्राप्त बोर्डातून दहावी किंवा समकक्ष.
संबंधित ट्रेडमधील २ वर्षांचे आयटीआय प्रमाणपत्र किंवा
१ वर्षाचा ट्रेड एक्सपीरियंस सह १ वर्षाचा आयटीआय सर्टिफिकेट.
मोची, टेलर, वॉशरमन, नाई, सफाई कामगार, स्वयंपाकी, वॉटरमॅन इत्यादी व्यवसायांसाठी:
- मान्यताप्राप्त बोर्डातून दहावी किंवा समकक्ष पात्रता.
- ट्रेडचे कामकाजाचे ज्ञान.
अर्ज कसा करावा
या भरतीसाठी बीएसएफ www.bsf.gov.in च्या अधिकृत वेबसाइटद्वारे ऑनलाइन अर्ज केले जातील. अर्ज करण्यापूर्वी सर्व कागदपत्रे (प्रमाणपत्रे, छायाचित्रे, ओळखपत्रे) स्कॅन करून तयार असल्याची खात्री करून घ्या. निवड प्रक्रिया, पीईटी / पीएसटी आणि लेखी परीक्षेबद्दल अधिक तपशील सविस्तर अधिसूचनेत दिले जातील, जे बीएसएफ पोर्टलवर लवकरच जारी होण्याची अपेक्षा आहे.
