लंडन: टीम इंडियाचे दिग्गज फलंदाज विराट कोहली आणि रोहित शर्मा पुढील वर्षी इंग्लंडमध्ये खेळताना क्रिकेट चाहते पाहू शकतात. टीम इंडिया 2026 मध्ये इंग्लंडमध्ये 5 टी-20 आणि 3 वनडे सामन्यांची मालिका खेळणार आहे. इंग्लंड आणि वेल्स क्रिकेट बोर्डाने (ईसीबी) गुरुवारी 24 जुलै रोजी आपल्या देशांतर्गत सामन्यांचे वेळापत्रक जाहीर केले आहे. भारतीय संघ १ जुलै २०२६ पासून इंग्लंडमध्ये आपल्या मोहिमेला सुरुवात करेल. या दरम्यान विराट कोहली आणि रोहित शर्मा इंग्लंडमध्ये वनडे मालिकेत खेळताना दिसू शकतात. टीम इंडिया सध्या इंग्लंडमध्ये पाच सामन्यांची कसोटी मालिका खेळत आहे, ज्यात ते अजूनही पिछाडीवर आहेत.
भारत आणि इंग्लंड यांच्यातील पाच सामन्यांच्या टी-20 मालिकेतील पहिला सामना 1 जुलै 2026 रोजी डरहॅम येथे, तर एकदिवसीय मालिकेला 14 जुलैपासून सुरुवात होईल. कसोटी क्रिकेट आणि टी-20 मधून निवृत्ती घेतलेले विराट कोहली आणि रोहित शर्मा वनडे मध्ये खेळताना क्रिकेट चाहत्यांना पाहायला मिळतात.
इंग्लंडचा उन्हाळा न्यूझीलंडविरुद्ध तीन कसोटी सामन्यांनी सुरू होईल, त्यानंतर जुलैमध्ये भारताविरुद्ध पाच टी-२० आणि तीन एकदिवसीय सामन्यांची मालिका खेळली जाईल. त्यानंतर ऑगस्टमध्ये पाकिस्तान तीन कसोटी, सप्टेंबरमध्ये तीन टी-२० आणि तीन एकदिवसीय सामन्यांची मालिका खेळणार आहे.
सूर्यकुमार यादवकडे टी-२० संघाचे नेतृत्व
टीम इंडियाच्या टी-20 संघाचे नेतृत्व पुन्हा एकदा सूर्यकुमार यादव करू शकतो. रोहित शर्मा वनडे संघाचे नेतृत्व करेल की नाही याबाबत भारतीय क्रिकेट नियामक मंडळ (बीसीसीआय) लवकरच निर्णय घेऊ शकते. रोहित शर्मा आणि विराट कोहली मैदानात परतण्याची प्रतीक्षा वाढत चालली आहे. बांगलादेश दौरा पुढे ढकलल्यानंतर टीम इंडियाकडे सध्या एकही वनडे सामना नाही. यंदा टीम इंडियाला 6 वनडे सामने खेळायचे आहेत, पण क्रिकेट चाहत्यांना यासाठी वाट पाहावी लागणार आहे.
भारतीय संघाचा इंग्लंड दौऱ्याचा कार्यक्रम:
पहिला टी-२० सामना : १ जुलै (डरहॅम)
दुसरा टी-२० सामना : ४ जुलै (मँचेस्टर)
तिसरा टी-२० सामना : ७ जुलै (नॉटिंघम)
चौथा टी-२० सामना : ९ जुलै (ब्रिस्टल)
पाचवा टी-२० सामना : ११ जुलै (साऊथॅम्प्टन)
पहिला वनडे : १४ जुलै (बर्मिंगहॅम)
दुसरा वनडे : १६ जुलै (कार्डिफ)
तीसरा वनडे: 19 जुलाई (लॉर्ड्स)
