मुंबई : बॉलिवूड अभिनेता सुशांत सिंग राजपूत याने आत्महत्या करून जीवन संपवले. या आत्महत्येनंतर अभिनेत्री रिया चक्रवर्तीला मोठा धक्का बसला होता. मात्र, आता ती या धक्क्यातून सावरताना दिसत आहे. तब्बल सात वर्षांनंतर ती चित्रपट निर्माते हंसल मेहता यांच्या नेटफ्लिक्स वेब सीरीज ‘फॅमिली बिझनेस’मध्ये दिसणार आहे, ज्याची घोषणा काही दिवसांपूर्वीच करण्यात आली होती.
रिया चक्रवर्तीसाठी अलिकडचा काळ त्रासांनी भरलेला होता. सुशांत सिंग राजपूतच्या मृत्यूनंतर अभिनेत्री ड्रग्ज प्रकरणात अडकली होती. तिच्या कुटुंबाला न्यायालयांना सामोरे जावे लागले. रिया आणि तिच्या भावाला अटकही करण्यात आली होती. मात्र, नंतर तिला कोर्टाकडून दिलासा मिळाला. काही वर्षांनंतर, ड्रग्ज प्रकरण बंद करण्यात आले. अलीकडेच, रियाने संवाद साधला, जिथे तिने तिच्या अभिनय पुनरागमनाबद्दल संकेत दिले. तिला सुरुवातीला ‘फॅमिली बिझनेस’ मालिकेत काम करायचे नव्हते, परंतु दिग्दर्शक हंसल मेहता यांनी तिला पटवून सांगितले. तिला हा प्रोजेक्ट स्वीकारण्यास भाग पाडले.
रिया म्हणाली, “अभिनयाचे स्वप्न सोडून देणे, ज्यासाठी मी १० वर्षांहून अधिक काळ कठोर परिश्रम केले होते, त्यामुळे मला अनेक थेरपी सत्रे करावी लागली. मला त्याबद्दल विचार करणे थांबवावे लागले कारण मी ते करू शकत नव्हते. मला अभिनयाच्या संधी मिळत नव्हत्या. हंसल सर यांनी मला विचारले की, मला काय थांबवत आहे. मी अभिनय सोडला आहे. पण त्यांनी सांगितले, म्हणूनच मी ते करावे, कारण मी चांगले काम करत असल्याचे हंसल सर म्हणाले”.
आता मला खूप चांगले वाटते की मी हो म्हणाले. सेटवर येणे ही एक वेगळीच भावना होती. मी गेल्या सात वर्षांत खूप आयुष्य जगले आहे. ते सायकल चालवण्यासारखे आहे; एकदा तुम्ही शिकलात की तुम्ही कधीही विसरत नाही, असे म्हणत तिने अडचणींची माहिती सांगितली.
