नवी दिल्ली : सध्या Samsung, Realme, Redmi यांसारखे स्मार्टफोन मार्केटमध्ये उपलब्ध आहेत. त्यात Oppo ने आता नवा कोरा Oppo A6x 5G भारतात लाँच केला आहे. हा Oppo ब्रँडचा बजेट फोन असणार आहे, जो मोठ्या बॅटरीसह येतो. तुम्ही हा फोन तीन रॅम आणि स्टोरेज कॉन्फिगरेशनमध्ये खरेदी करू शकता. हँडसेटला पॉवर देणारी 6500mAh बॅटरी 45W चार्जिंग सपोर्टसह मिळत आहे.
स्मार्टफोनमध्ये MediaTek Dimensity 6000 सीरीज प्रोसेसर देण्यात आला आहे. यात 13MP चा मुख्य रिअर कॅमेरा आहे. हा फोन अलीकडेच लाँच झालेल्या Realme C85 5G सारख्या फोनशी थेट बरोबरी करणार आहे. Oppo A6x 5G चा बेस व्हेरिएंट 12499 मध्ये येतो. ही किंमत 4GB RAM + 64GB स्टोरेज व्हेरिएंटसाठी आहे. त्याच्या 4GB RAM + 128GB स्टोरेज व्हेरिएंटची किंमत 13499 आहे. हँडसेटचा टॉप व्हेरिएंट 6GB RAM + 128GB स्टोरेजसह येतो, ज्याची किंमत १४९९९ रुपये आहे.
तुम्ही हा फोन तीन महिन्यांच्या No Cost EMI वर खरेदी करू शकता. हँडसेट दोन रंगांच्या पर्यायांमध्ये मिळत आहे. त्यातील एक आइस ब्लू आणि ऑलिव्ह ग्रीन हा पर्याय आहे. तर तुम्ही हा फोन अमेझॉन, फ्लिपकार्ट आणि ओप्पोच्या अधिकृत वेबसाइटवरून खरेदी करू शकता.
