Pune MHADA Lottery: स्वतःच्या हक्काच्या घराची प्रतीक्षा करणाऱ्या हजारो नागरिकांसाठी आजचा दिवस भाग्याचा ठरणार आहे. म्हाडाच्या पुणे गृहनिर्माण मंडळांतर्गत येणाऱ्या ४,१८६ सदनिकांची बहुप्रतिक्षित सोडत आज, १० फेब्रुवारी रोजी पार पडणार आहे. निवडणूक आचारसंहितेमुळे लांबणीवर पडलेला हा गृहप्रकल्प अखेर मार्गी लागला आहे.
कुठे आणि कशी होणार सोडत?
- स्थळ: शरदचंद्र पवार सभागृह, पुणे जिल्हा परिषद.
- वेळ: आज दुपारी १२:०० वाजता.
- उपस्थिती: म्हाडाचे सभापती शिवाजीराव आढळराव पाटील यांच्या हस्ते आणि मुख्य कार्यकारी अधिकारी संजीव जयस्वाल यांच्या ऑनलाईन उपस्थितीत हा कार्यक्रम होईल.
- लाईव्ह प्रक्षेपण: जे नागरिक प्रत्यक्ष उपस्थित राहू शकत नाहीत, त्यांच्यासाठी म्हाडाच्या अधिकृत YouTube चॅनेलवर ही सोडत थेट पाहता येईल.
जिल्हानिहाय व्याप्ती आणि घरांचे प्रकार
या सोडतीचा लाभ केवळ पुण्यालाच नाही, तर पश्चिम महाराष्ट्रातील इतर जिल्ह्यांनाही मिळणार आहे:
- जिल्हे: पुणे, पिंपरी-चिंचवड, सोलापूर, कोल्हापूर आणि सांगली.
- सर्वसमावेशक योजना (20%): ३,३२२ सदनिका.
- सामाजिक गृहनिर्माण योजना (15%): ८६४ सदनिका.
Bookmark (0)
Please login to bookmark
Close
