आपल्या आरोग्याकडे लक्ष देणारे अनेक आहेत. त्यात महिला अनेकदा आरोग्य आणि कुटुंब नियोजनासाठी विविध प्रकारच्या गर्भनिरोधकांचा वापर करतात. मात्र, कधीकधी त्यांचे दुष्परिणाम अत्यंत धोकादायक ठरू शकतात. मात्र, एका लहानशा वैद्यकीय प्रक्रियेमुळे धोका गंभीर बनू शकतो. गर्भनिरोधक इंजेक्शन घेतल्यानंतर काही काळातच एका महिलेची दृष्टी गेल्याचे समोर आले.
सुरुवातीला, ही एक सामान्य डोकेदुखी आहे असे वाटले, परंतु हळूहळू तिची दृष्टी धूसर होऊ लागली आणि अखेरीस ती पूर्णपणे गेली. महिलेने तिच्या सोयीसाठी गर्भनिरोधक इंजेक्शन घेतले होते. इंजेक्शन घेतल्यानंतर काही आठवड्यांनी, तिला डोक्याच्या मागच्या बाजूला तीव्र दाब आणि डोळ्यांमध्ये जडपणा जाणवू लागला. हे कामाच्या तणावामुळे किंवा थकव्यामुळे होत आहे, असा समज त्या महिलेचा झाला. मात्र, जेव्हा दृष्टी धूसर होऊ लागली आणि तिची स्पष्ट दृष्टी गेली, तेव्हा तिला धोक्याची जाणीव झाली. जेव्हा डॉक्टरांनी तिची तपासणी केली, तेव्हा तिच्या शरीरात या हार्मोनल बदलावर परिणाम झाला होता.
तपासणीत असे दिसून आले की, संबंधित महिला ‘इडिओपॅथिक इंट्राक्रॅनियल हायपरटेन्शन’ (IIH) नावाच्या एका दुर्मिळ आजाराने ग्रस्त होती. गर्भनिरोधकातील हार्मोन्समुळे तिच्या मेंदूभोवतीच्या द्रवांमध्ये असामान्यपणे उच्चदाब निर्माण झाला होता. या वाढलेल्या दाबाचा थेट परिणाम ऑप्टिक नर्व्हवर झाला, ज्यामुळे तिचे गंभीर नुकसान झाले. हेच तिच्या दृष्टी पूर्णपणे जाण्याचे मुख्य कारण होते. त्यामुळे गर्भनिरोधक इंजेक्शन घेताना काळजी घेण्याचा सल्ला दिला जातो. नाहीतर याचे दुष्परिणाम तुम्हाला होऊ शकतात.
