आपल्यापैकी अनेकजण आरोग्याची काळजी घेत असतील. त्यासाठी व्यायाम करणारेही अनेकजण आहेत. त्यात हृदयविकाराचा झटका, उच्च कोलेस्ट्रॉल आणि फॅटी लिव्हर हे आजार बऱ्याच काळापासून वेगाने वाढत आहेत आणि त्याचा परिणाम अगदी तरुणांवरही होत आहे. बहुतेक गंभीर आजार मद्यपानाशी संबंधित आहेत. मद्यपान आरोग्यासाठी हानिकारक मानले जात असल्यामुळे, डॉक्टर अनेकदा मद्यपान मर्यादित ठेवण्याचा किंवा टाळण्याचा सल्ला देतात.
जे लोक मद्यपान करत असताना दररोज व्यायाम करतात, त्यांच्यामध्ये काही गंभीर आजारांमुळे होणाऱ्या अकाली मृत्यूचा धोका कमी असू शकतो. शारीरिक हालचालींमुळे मद्यपानामुळे होणारे दुष्परिणाम, विशेषतः कर्करोग आणि हृदयविकारामुळे होणाऱ्या मृत्यूचा धोका कमी होऊ शकतो का, हे समजून घेणे हा या अभ्यासाचा उद्देश होता. यासाठी ३६००० हून अधिक लोकांवर संशोधन केले गेले. या अभ्यासात यूके आणि स्कॉटलंडमधील ३६३७० पुरुष आणि महिलांच्या माहितीचे परीक्षण करण्यात आले. ही माहिती अनेक वर्षांपासून केलेल्या सर्वेक्षणांच्या आधारे गोळा करण्यात आली होती.
या सर्वेक्षणात कर्करोग आणि हृदयविकारासारख्या आजारांमुळे झालेल्या मृत्यूंचाही विचार करण्यात आला होता. संशोधनादरम्यान, सर्व सहभागींना त्यांच्या मद्यपानाच्या प्रमाणानुसार सहा गटांमध्ये विभागण्यात आले.जे मद्यपान करतात आणि नियमित व्यायाम करतात, त्यांना अपेक्षेप्रमाणे धोका कमी होता. यावरून व्यायामामुळे मद्यपानामुळे होणारे काही नुकसान कमी होण्यास मदत होऊ शकते, हे सिद्ध झाले आहे.
