BJP Corporator : मुंबईलगतच्या मिरा-भाईंदर परिसरात राजकारणाला हादरवणारी घटना समोर आली आहे. लक्सामान या भाजप नगरसेवकावर बलात्काराचा गुन्हा दाखल करण्यात आला असून या प्रकरणामुळे मोठी खळबळ उडाली आहे.
पीडित महिलेने दिलेल्या तक्रारीनुसार, जुलै २०२२ मध्ये जंगम यांनी तिला मीरारोड येथील त्यांच्या कार्यालयात बोलावले होते. त्यानंतर लग्नाचे आमिष दाखवत तिच्यावर अत्याचार केल्याचा गंभीर आरोप करण्यात आला आहे. तक्रारीत नमूद केल्याप्रमाणे, महिलेच्या इच्छेविरुद्ध विविध ठिकाणी शारीरिक संबंध ठेवण्यात आले, तसेच या प्रकरणाची कुठेही वाच्यता केल्यास जीवे मारण्याची धमकीही देण्यात आली होती.
भीतीमुळे पीडित महिलेने बराच काळ हा प्रकार गुप्त ठेवला. मात्र मानसिक त्रास असह्य झाल्यानंतर अखेर तिने पोलिसांकडे धाव घेतली आणि संबंधित नगरसेवकाविरोधात तक्रार दाखल केली.
Mira Road पोलिसांनी या प्रकरणी भारतीय न्याय संहिता (BNS) अंतर्गत कलम ६९ आणि ३५१(२) नुसार गुन्हा नोंदवला असून पुढील तपास सुरू आहे. या घटनेनंतर राजकीय वर्तुळात संतापाची लाट उसळली असून संबंधितावर कठोर कारवाईची मागणी होत आहे.
दरम्यान, या प्रकरणातील पुढील तपास आणि कायदेशीर कारवाईकडे सर्वांचे लक्ष लागले आहे.
