नवी दिल्ली : सध्याच्या युगात दुसरी इतर भाषा समजून घेणे पूर्वीइतके कठीण राहिलेले नाही. परदेशात प्रवास करणे असो, दुसऱ्या भाषेतील वेबसाईट वाचणे असो, किंवा जगभरातील कोणाशीही संवाद साधणे असो, गुगल ट्रान्सलेटने गेल्या २० वर्षांत लाखो लोकांना मदत केली आहे. भाषांतर प्लॅटफॉर्मने आता आपले २० वे वर्ष पूर्ण केले आहे.
गुगलने 20 वर्षांत अनेक शब्द भाषांतरित केले आहेत. गेल्या दोन दशकांमध्ये त्यांच्या प्लॅटफॉर्मवर सर्वाधिक भाषांतरित झालेले वाक्य हे कोणतेही क्लिष्ट किंवा तांत्रिक शब्दसमूह नव्हते. सर्वाधिक वापरला जाणारा शब्द होता Thank You अर्थात ‘धन्यवाद’. कंपनीने ही माहिती सोशल मीडियावर शेअर केली आहे. आणि स्पष्ट केले की, जगभरातील लोकांना वेगवेगळ्या भाषांमध्ये हीच भावना सर्वाधिक व्यक्त करायची असते. या पोस्टमध्ये अनेक भाषांमध्ये धन्यवाद दाखवण्यात आले होते, आणि त्यातून हा संदेश दिला गेला की, तंत्रज्ञान हे केवळ माहिती शेअर करण्याचे साधन नाही, तर लोकांना भावनिकरित्या जोडण्याचेही एक माध्यम आहे.
ही माहिती समोर आल्यानंतर, सोशल मीडियावर लोकांनी ती खूप सकारात्मकतेने स्वीकारली. अनेक युजर्सनी वेगवेगळ्या भाषांमध्ये ‘धन्यवाद’ लिहून प्रतिसाद दिला. लोकांच्या मते, यातून हे दिसून येते की, एखादी व्यक्ती कोणत्याही देशात किंवा कोणत्याही भाषेत बोलत असली तरी, नम्रता आणि कृतज्ञता यांसारख्या भावना सर्वत्र सारख्याच असतात.
