मुंबई : YouTube युजर्ससाठी एक महत्त्वाची अपडेट समोर आली आहे. आता प्रत्येकालाच YouTube वर Live Stream करण्याची मुभा मिळणार नाही, कारण गुगलने आपल्या धोरणात महत्त्वाचा बदल केला आहे. २२ जुलैपासून हा नवा नियम लागू होणार असून, Live Stream करण्यासाठी किमान वयाची अट लागू केली जाणार आहे.
काय आहे नवीन नियम?
गुगलने आपल्या सपोर्ट पेजवर नवी पॉलिसी जाहीर करत सांगितले आहे की, २२ जुलैपासून YouTube वर Live Stream करण्यासाठी वापरकर्त्याचे वय किमान १६ वर्षे असणे आवश्यक आहे. यापूर्वी ही वयोमर्यादा १३ वर्षे होती. मात्र, सायबर क्राईमच्या वाढत्या घटनांमुळे हा निर्णय घेण्यात आला आहे.
१६ वर्षांखालील मुलांना Live Stream करता येणार?
नवीन धोरणांनुसार, १६ वर्षांखालील मुलांना पूर्णतः Live Stream करता येणार नाही. परंतु, त्यांना काही विशिष्ट सुरक्षा अटींचे पालन करणे बंधनकारक असेल.
उदाहरणार्थ: Live Stream करताना प्रौढ व्यक्तीची उपस्थिती आवश्यक असेल. प्रौढ व्यक्तीशिवाय मुलगा किंवा मुलगी Live गेल्यास, YouTube त्वरित ते Live बंद करून चॅट देखील अक्षम करेल. पालकांना चॅनेल मॅनेजर म्हणून नियुक्त करणे आवश्यक असेल, म्हणजे खात्याचा पूर्ण अॅक्सेस पालकांकडे असेल.
लहान मुलांसाठी YouTube चे सुरक्षित फीचर्स
YouTube लहान मुले आणि तरुण युजर्ससाठी सुरक्षिततेवर आधारित अनेक उपाययोजना आधीच करत आहे. यामध्ये:
– पर्यवेक्षित खाते (Supervised Account)
– ‘Made for Kids’ कंटेंट कॅटेगरी
यासारख्या पर्यायांचा समावेश आहे. याशिवाय, YouTube वेळोवेळी तरुण युजर्सना प्रायव्हसी आणि सिक्युरिटीविषयी जागरूक करत असतो.
गुगलचा हा निर्णय सायबर गुन्ह्यांपासून लहान मुलांचे संरक्षण करण्यासाठी एक सकारात्मक पाऊल मानले जात आहे. Live Stream करण्यासाठीची नवीन वयोमर्यादा आणि सुरक्षा अटी यामुळे YouTube अधिक सुरक्षित आणि जबाबदार व्यासपीठ म्हणून विकसित होण्याच्या दिशेने वाटचाल करत आहे.
