Rashmika Mandanna Engagement: दक्षिण चित्रपटसृष्टीतील सर्वात चर्चित आणि प्रिय जोडपे रश्मिका मंदान्ना आणि विजय देवरकोंडा पुन्हा एकदा चर्चेत आले आहेत. या दोघांनी कधीच उघडपणे त्यांच्या प्रेमाची कबुली दिली नसली तरी, त्यांचे नाते सर्वांपासून लपलेले नाही. कधी ते एकत्र सुट्टीवर दिसतात, तर कधी एकमेकांचे कपडे घालून चर्चेत येतात. आता मात्र त्यांच्या नात्याने एक नवीन टप्पा गाठल्याची माहिती समोर आली आहे.
मिळालेल्या अहवालांनुसार, रश्मिका आणि विजय यांनी एका खासगी समारंभात साखरपुडा केला आहे. या कार्यक्रमाला फक्त कुटुंबीय आणि अगदी जवळचे मित्र उपस्थित होते. कोणताही गाजावाजा न करता हा समारंभ पार पडला असल्याने चाहत्यांमध्ये आनंद आणि उत्सुकता दोन्ही वाढली आहे.
लग्नाची तारीखही ठरली?
केवळ साखरपुडाच नाही, तर सूत्रांच्या माहितीनुसार या जोडप्याने त्यांच्या लग्नाची तारीखही निश्चित केली आहे. पुढील वर्षी फेब्रुवारी महिन्यात पारंपरिक पद्धतीने लग्न सोहळा होऊ शकतो, अशी चर्चा सुरू आहे. सोशल मीडियावर या दोघांवर शुभेच्छांचा वर्षाव होत आहे.
अधिकृत पुष्टी अद्याप नाही
मात्र, अद्याप रश्मिका किंवा विजय या दोघांकडूनही कोणतेही अधिकृत विधान करण्यात आलेले नाही. त्यामुळे जोपर्यंत ते स्वतः याबद्दल प्रतिक्रिया देत नाहीत, तोपर्यंत ही बातमी अफवा मानली जात आहे. रश्मिका आणि विजयची जवळीक 2018 मध्ये प्रदर्शित झालेल्या गीता गोविंदम या चित्रपटाच्या शूटिंगदरम्यान वाढली. या चित्रपटातील त्यांची केमिस्ट्री प्रेक्षकांना भुरळ घालणारी ठरली. त्यानंतर 2019 मध्ये आलेल्या ‘डियर कॉम्रेड’ ने त्यांच्या नात्याच्या चर्चेला आणखी बळ दिले. तेव्हापासून चाहत्यांमध्ये त्यांच्या नात्याबद्दल उत्सुकता कायम आहे.
