Badlapur News : बदलापुरात शिंदे गट आणि भाजपमधील राजकीय संघर्ष पुन्हा एकदा चव्हाट्यावर आला आहे. पालिका निवडणुकीनंतर वाढत चाललेल्या वादाच्या पार्श्वभूमीवर भाजप पदाधिकाऱ्याच्या मुलाला बेदम मारहाण झाल्याची घटना समोर आली असून परिसरात खळबळ उडाली आहे.
मारहाण झालेल्या तरुणाचं नाव सनी पाटील असं आहे. या प्रकरणी शिंदे गटाचे नगरसेवक रोहन पाटील, माजी नगरसेवक सूरदास पाटील यांच्यासह दहा जणांविरोधात गुन्हा दाखल करण्यात आला आहे.
माहितीनुसार, सनी पाटील यांचे वडील मारुती पाटील यांनी पालिका निवडणुकीत रोहन पाटील यांच्या विरोधात उमेदवारी दिली होती. त्यानंतर दोन्ही गटांमध्ये तणाव वाढला होता. नुकत्याच एका हळदी समारंभात दोन्ही गट आमनेसामने आले. यावेळी वाद वाढून सनी पाटील यांना मारहाण झाल्याचा आरोप करण्यात आला आहे.
याआधीही जानेवारी महिन्यात शिंदे गटाचे स्वीकृत नगरसेवक हेमंत चतुरे यांच्यावर हल्ला झाला होता. त्यामुळे बदलापुरातील राजकीय वातावरण पुन्हा तापलं असून पोलिसांकडून प्रकरणाचा तपास सुरू आहे.
