पुणे : शहरातील वाहतूक सुलभतेसाठी गरवारे ब्रिजवर (Garware Bridge) महत्त्वाच्या दुरुस्ती कामांची अंमलबजावणी आज (३ ऑक्टोबर) दुपारी १ ते ४ वाजेपर्यंत होणार आहे. यामुळे फर्ग्युसन कॉलेज रोड (Fergusson College Road) वरील वाहतूक तात्पुरती बंद राहणार असून, पुणे शहर वाहतूक पोलिस (Pune City Traffic Police) यांनी वाहनचालकांना पर्यायी मार्गांचा वापर करण्याचे आवाहन केले आहे. या कालावधीत अनावश्यक गर्दी टाळण्यासाठी नागरिकांनी सहकार्य करावे, असे पोलिसांनी सांगितले आहे.
वाहतूक बदल पुढीलप्रमाणे :
- इंदिरा गांधी चौक → महावीर चौक वाहतूक बंद. वाहतूक सरळ आंबेडकर पुतळ्याकडे वळविण्यात येईल.
(आंबेडकर चौक ते इंदिरा गांधी चौक हा रस्ता सदर वेळेसाठी दुहेरी वाहतुकीसाठी खुला ठेवण्यात येईल.) - सेंट्रल स्ट्रीट चौक → महावीर चौक वाहतूक बंद. वाहतूक सरबतवाला चौक मार्गे पुढे सोडण्यात येईल.
- भोपळे चौक → कोहिनूर चौक वाहतूक बंद. वाहतूक शिवाजी मार्केटकडे वळविण्यात येईल.
- जॉर्ज हॉटेल चौक → नाज चौक वाहतूक बंद. वाहनचालकांनी इंदिरा गांधी चौकात डावीकडे वळून इच्छित स्थळी जाता येईल.
या उपाययोजना गरवारे ब्रिजच्या संरचनात्मक दुरुस्तीसाठी घेतल्या असून, काम पूर्ण झाल्यानंतर वाहतूक सामान्य होईल. शहरात सध्या अनेक ठिकाणी रस्ते दुरुस्ती व मेट्रो कामांमुळे वाहतूक अडचणी येत आहेत, तरीही नागरिकांनी संयम बाळगावा, असे वाहतूक पोलिसांनी नमूद केले आहे.
Bookmark (0)
Please login to bookmark
Close
