Nepal Fuel Shortage: मध्य-पूर्वेतील इराण-अमेरिका युद्ध आणि लाल समुद्रातील तणावाचा मोठा फटका आता शेजारील देश नेपाळला बसला आहे. नेपाळमध्ये इंधनाचा तीव्र तुटवडा निर्माण झाल्यामुळे सरकारने मोठा निर्णय घेतला आहे. इंधनाची बचत करण्यासाठी नेपाळ सरकारने आता आठवड्यातून दोन दिवस (शनिवार आणि रविवार) सार्वजनिक सुट्टी जाहीर केली आहे.
जागतिक बाजारात कच्च्या तेलाच्या किमती गगनाला भिडल्या आहेत आणि होर्मुझच्या सामुद्रधुनीतील अडथळ्यांमुळे नेपाळला होणारा इंधन पुरवठा विस्कळीत झाला आहे. नेपाळ आयल कॉर्पोरेशनला होणारा तोटा आणि परकीय चलनाचा साठा कमी झाल्यामुळे हा आपत्कालीन निर्णय घेण्यात आला आहे.
दोन दिवसांची सुट्टी: खासगी आणि सरकारी कार्यालये आता आठवड्यातून दोन दिवस बंद राहतील, जेणेकरून वाहनांचा वापर कमी होऊन पेट्रोल-डिझेलची बचत होईल.
रेशनिंगची शक्यता: लवकरच वाहनांना दिल्या जाणाऱ्या इंधनावर मर्यादा आणली जाण्याची शक्यता वर्तवण्यात आली आहे.
सार्वजनिक वाहतुकीवर भर: लोकांना खासगी गाड्यांऐवजी सार्वजनिक वाहतुकीचा वापर करण्याचे आवाहन करण्यात आले आहे.
भारतावर काय परिणाम?
नेपाळला बहुतांश इंधन पुरवठा भारताकडून केला जातो. नेपाळमधील या संकटामुळे सीमावर्ती भागातील व्यापारावर परिणाम होऊ शकतो. तसेच, नेपाळमधील नागरिक इंधनासाठी भारतीय सीमा ओलांडून येण्याची शक्यता नाकारता येत नाही.
