Tamil Nadu CM Vijay Oath Ceremony : तामिळनाडूच्या राजकारणात आज ऐतिहासिक क्षणाची नोंद झाली. गेल्या काही दिवसांपासून सुरू असलेल्या राजकीय घडामोडींना अखेर पूर्णविराम मिळाला असून अभिनेता ते राजकारणी असा प्रवास करणाऱ्या जोसेफ विजय यांनी आज तामिळनाडूच्या मुख्यमंत्रीपदाची शपथ घेतली.
राज्यपाल विश्वनाथ अर्लेकर यांनी विजय यांना पद आणि गोपनीयतेची शपथ दिली. या शपथविधी सोहळ्यासाठी मोठ्या संख्येने नागरिक, पक्षाचे कार्यकर्ते आणि विविध क्षेत्रातील मान्यवर उपस्थित होते. विजय यांनी शपथ घेताच संपूर्ण परिसर टाळ्यांच्या कडकडाटाने आणि जल्लोषाने दुमदुमून गेला.
विशेष म्हणजे, आपल्या मुलाला मुख्यमंत्रीपदाची शपथ घेताना पाहून विजय यांचे आई-वडील अत्यंत भावूक झाल्याचे पाहायला मिळाले. त्यांच्या डोळ्यांत आनंदाश्रू तरळले होते. हा क्षण पाहून उपस्थितांनाही भावना अनावर झाल्या.
चित्रपटसृष्टीतील सुपरस्टार म्हणून लाखो चाहत्यांच्या मनावर अधिराज्य गाजवणाऱ्या विजय यांनी आता राज्याच्या नेतृत्वाची धुरा स्वीकारली आहे. त्यांच्या शपथविधीनंतर समर्थकांमध्ये प्रचंड उत्साहाचे वातावरण असून तामिळनाडूच्या राजकारणात नव्या पर्वाची सुरुवात झाल्याची चर्चा रंगली आहे.
