Karuna Munde On Dhananjay Munde: बीडच्या राजकारणात नवे वादळ उसळले आहे. मराठा आंदोलक मनोज जरांगे यांच्यानंतर आता स्वराज्य शक्ती सेनेच्या अध्यक्षा करुणा मुंडे यांनी माजी मंत्री धनंजय मुंडे यांच्यावर गंभीर आरोप करत म्हटले आहे की, मनोज जरांगे पाटील यांच्या विरोधातील हल्ल्याचा कट धनंजय मुंडे यांच्याच पाठबळाखाली रचला गेला असावा. करुणा मुंडे यांनी पत्रकार परिषदेत सांगितले की, पोलिसांच्या कैदेत असलेला आरोपी दादा गरड माझ्याकडे तीन वेळा येऊन गेला आहे. जेव्हा मी जरांगेकडे गेली होती. त्याने मला मेसेज केला तेव्हा मी जरांगेकडे होते. त्यानंतर लगेच धनंजय मुंडेंना माहिती मिळाली की मी मनोज जरांगेंकडे गेली आहे.
दादा गरड यांचे मोबाईल चेक करा
दरम्यान, करुणा मुंडे यांनी पुढे म्हटलं की, दादा गरड यांचे मोबाईल तपासा. त्यात व्हॉट्सअॅप चॅट्स आहेत. धनंजय मुंडे यांनी त्याला सॉरी म्हणून मेसेज केला होता. धनंजय मुंडेंनी त्याला पाच लाख रुपये त्याला पाठवले होते. एका गरीब व्यक्तीला धनंजय मुंडे सॉरी का म्हणाले. त्यांनी त्याला पाच लाख कशासाठी दिले. हे सर्व पुरावे त्यांच्या मोबाईलमध्ये आहेत. मला दुसऱ्या आरोपीचीही रेकॉर्डिंग त्याने ऐकवली होती. त्यांची १ कोटीची डील सुरु होती, असा खळबजनक दावा करुणा मुंडेंनी केला आहे.
चौकशीसाठी नार्को-टेस्टची मागणी
करुणा मुंडे यांनी या प्रकरणात नार्को टेस्ट व इतर फॉरेन्सिक तपास करण्याची मागणी केली आहे. त्यांनी धनंजय मुंडे, मनोज जरांगे आणि तत्पर व्यक्तींच्या सर्व शारीरिक व कौलनिक चाचण्या व्हाव्यात, असा आग्रह धरला. करुणा मुंडे यांनी धनंजय मुंडे यांची आमदारकी रद्द करावी अशी मागणीही केली आहे. करुणा मुंडे यांनी या संपूर्ण प्रकरणाचा सीबीआयकडून तपास व्हावा, अशी मागणी केली आहे.
