मुंबई : भारतीय जनता पक्षाचे छत्रपती संभाजीनगर जिल्हा सचिव राजेंद्र साबळे-पाटील यांची मंगळवारी मुख्यमंत्री देवेंद्र फडणवीस यांचे ओएसडी म्हणून नियुक्ती करण्यात आली. साबळे पाटील यांनी विधानसभा निवडणुकीत पक्ष आणि त्यांच्या उमेदवारांमधील समन्वयात महत्त्वपूर्ण भूमिका बजावली होती.
३९ वर्षीय साबळे-पाटील हे फडणवीस यांचे निष्ठावंत असून मराठा आंदोलन ऐन भरात असताना त्यांनी मराठवाड्यात फडणवीसांना पाठिंबा जाहीर
करणारे ‘एक अकेला सब पर भारी’ असे शीर्षक असणारे अनेक बॅनर लावले होते. त्यांनी केवळ पाठिंबाच दिला नाही तर मराठा आरक्षणासाठी भाजपने, विशेषतः फडणवीस यांनी केलेल्या सर्व गोष्टींबद्दल मराठा समाजात जनजागृती मोहीम चालवली. ‘मुख्यमंत्र्यांचे ओएसडी म्हणून नियुक्ती होणे ही सन्मानाची गोष्ट आहे आणि या संधीचा उपयोग मी सर्वसामान्यांच्या, विशेषतः वंचितांच्या सेवेसाठी करेन,’ असे साबळे -पाटील यांनी म्हटले आहे.
