नवी दिल्ली : सध्या अनेक गॅजेट्स लाँच केले जात आहेत. त्यात Brave Arc या नवीन तंत्रज्ञानाच्या स्टार्टअपने भारतात एक अनोखे डिव्हाइस लाँच केले आहे. ते टॅब्लेट आणि अँड्रॉइड कॉम्प्युटर दोन्ही म्हणून काम करते. त्याला २-इन-१ अँड्रॉइड डिव्हाइस म्हटले जात आहे.
ब्रेव्ह आर्कचा दावा आहे की, त्यांचे नवीन गॅझेट अभ्यासापासून ते कंटेंट निर्मिती आणि व्यावसायिक कामापर्यंत सर्व गोष्टींसाठी उपयुक्त ठरेल. ते पीसी मोडसह अँड्रॉइड १५ वर चालते. यात मोठा १२.९५-इंच डिस्प्ले आणि १४५५०mAh बॅटरी आहे, जी Realme आणि Redmi कडून अलीकडेच लाँच झालेल्या टॅब्लेटमध्ये आढळणाऱ्या बॅटरीपेक्षा लक्षणीयरीत्या मोठी आहे. ब्रेव्ह आर्क गॅलेक्टिक ब्लू कलरमध्ये येतो आणि त्याची किंमत ३४९९९ आहे. ते Amazon वरून खरेदी करता येते. लाँच ऑफरचा भाग म्हणून, कंपनी पहिल्या २०० ग्राहकांना मोफत बॅकलिट की-बोर्ड देत आहे. ते लेदर-टच डिझाइनमध्ये येते आणि डिव्हाइसशी कनेक्ट होते.
द ब्रेव्ह आर्कमध्ये १४५५० एमएएच बॅटरी मोठी आहे, तरीही ती ७.६ मिमी स्लीक आहे. द ब्रेव्ह आर्क अँड्रॉइड डिव्हाइसमध्ये मेटल युनिबॉडी डिझाइन आहे. या बॉक्समध्ये पेनसह येते. हा एक स्टायलस आहे जो उत्पादकता वाढविण्यासाठी वापरला जाऊ शकतो. इतकेच नाहीतर हे डिव्हाइस एका चार्जवर २० तास सतत वापरले जाऊ शकते. याचा फायदा अनेकांना होणार असल्याचे कंपनीचे म्हणणे आहे.
