नवी दिल्ली : सध्या अनेक स्मार्टफोन मार्केटमध्ये उपलब्ध आहेत. त्यात Google Pixel 10 सीरीज सेल आजपासून सुरू होत आहे. यामध्ये तुम्हाला मोठा डिस्काउंट मिळू शकतो. गुगलने या महिन्याच्या सुरुवातीला त्यांच्या Pixel 10 सीरीजमध्ये चार स्मार्टफोन लाँच केले. त्यानंतर आता यावर डिस्काउंट दिला जाणार आहे.
Google ने Pixel 10, Pixel 10 Pro, Pixel 10 Pro XL, आणि Pixel 10 Pro Fold असे हे स्मार्टफोन आणले आहेत. प्रो मॉडेल्सच्या तुलनेत ब्रँडने Google Pixel 10 मध्ये जास्त अपग्रेड केले आहेत. Google Pixel 10 मध्ये आता ट्रिपल रिअर कॅमेरा सेटअप देण्यात आला आहे. हा स्मार्टफोन मोठी बॅटरी आणि शक्तिशाली प्रोसेसरसह येतो. याशिवाय, इतर फोनमध्येही अनेक अपग्रेड केले गेले आहेत. Google Pixel 10 ची सुरुवातीची किंमत ७९,९९९ रुपये ठेवण्यात आली आहे.
हा फोन फक्त एकाच कॉन्फिगरेशन 12GB RAM + 256GB स्टोरेजमध्ये येतो. एचडीएफसी कार्ड वापरल्यास तुम्हाला 7000 रुपयांचा डिस्काउंट मिळेल. त्याच वेळी, Pixel 10 Pro ची किंमत 1,09,999 रुपयांपासून सुरू होते, जी 16GB RAM + 256GB स्टोरेजसाठी आहे. या फोनवर तुम्हाला 10000 रुपयांचा कॅशबॅक मिळेल. Google Pixel 10 Pro XL ची किंमत 16GB RAM + 256GB स्टोरेज व्हेरिएंटसाठी 1,24,999 रुपयांपासून सुरू होते. यावर तुम्हाला 10,000 रुपयांचा कॅशबॅक देखील मिळेल.
