नवी दिल्ली : सध्या स्मार्टफोनचा वापर वाढला आहे. त्यात दररोज अज्ञात नंबरवरून असंख्य कॉल येतात. बरेच लोक हे नंबर ओळखण्यासाठी थर्ड-पार्टी अॅप्स वापरतात. मात्र, भारतीय दूरसंचार नियामक प्राधिकरण (TRAI) च्या आदेशानंतर, भारतीय दूरसंचार नियामक, कॉलर नेम प्रेझेंटेशन (CNAP) ही एक नवीन सेवा सुरू करण्यात आली आहे.
कॉलर नेम प्रेझेंटेशन (CNAP) सेवेअंतर्गत, स्मार्टफोन युजर्संना एक डीफॉल्ट सेवा दिली जात आहे. जी अज्ञात नंबरवरून कॉल करणाऱ्याची ओळख दाखवते. ही सेवा सिम कार्ड ज्याच्या नावाने जारी केले आहे ते नाव दाखवते. जेव्हा कोणी अज्ञात नंबरवरून कॉल करतो तेव्हा अज्ञात नंबरवर नोंदणीकृत नाव मोबाईल स्क्रीनवर दाखवले जाईल. हे नाव कोणत्याही युजरच्या आधारावर आधारित नसून टेलिकॉम नेटवर्कच्या डेटाबेसमधून काढले जाईल.
सामान्यतः अज्ञात किंवा बनावट नंबरवरून स्पॅम कॉल येतात. जर कॉल करणाऱ्याचे नाव दिसत नसेल किंवा नंबर संशयास्पद वाटत असेल, तर सावधगिरी बाळगणे महत्त्वाचे आहे. कॉलर नेम प्रेझेंटेशन सर्व स्मार्टफोन युजर्सना फायदेशीर ठरेल.
खोटे बँकर नंबर शोधले जातील
बँकिंग, टेलिकॉम, डिलिव्हरी किंवा सरकारी कॉलमध्ये अधिकृत नाव दिसेल. बँक सपोर्ट असल्याचे भासवून कॉल करणाऱ्या स्कॅमर्सना सहज ओळखता येईल. येत्या काही दिवसांत सिम-बाइंडिंग देखील लागू केले जाईल. हा नियम थेट व्हॉट्सअॅप, टेलिग्राम, स्नॅपचॅट आणि इतर अॅप्सवर परिणाम करेल.
