नवी दिल्ली : जगप्रसिद्ध कंपनी Apple च्या iPhone चा वापर जगभरात केला जात आहे. त्यात अॅपलने iOS 26.0.1 अपडेट जारी केले आहे आणि युजर्सना फोन तात्काळ अपडेट करण्याचा सल्ला देण्यात आला आहे. कंपनीने या अपडेटसह काही महत्त्वाचे बग फिक्स देखील जाहीर केले आहेत.
iPhone 17 सीरीज लाँच झाल्यापासून, iPhone युजर्स सतत तक्रारी करत आहेत. विशेषतः iOS 26 अपडेटनंतर, लोकांच्या iPhone बॅटरी लवकर संपत आहेत. काही आयफोनमध्ये ही समस्या येत आहे. मात्र, आता IOS 26.0.1 अपडेटनंतर या समस्या दूर होतील, असे कंपनीकडून सांगण्यात आले आहे. WiFi आणि Bluetooth Fix करण्यात आले आहे. काही आयफोन 17, आयफोन एअर आणि आयफोन 17 प्रो युजर्सना कनेक्टिव्हिटी समस्या येत होत्या, ज्या सोडवण्यात आल्या आहेत.
iOS 26 अपडेटनंतर, काही आयफोन सेल्युलर नेटवर्कशी कनेक्ट करण्यात समस्या येत होत्या. कंपनीने आता ही समस्या सोडवली आहे. तसेच काही आयफोनमध्ये फोटो क्लिक करताना व्हिज्युअल ग्लिच येत होते. कंपनीच्या मते, या अपडेटनंतर ही समस्या येणार नाही. iOS 26 अपडेटनंतर, काही युजर्सच्या फोनवर अॅप आयकॉन एम्प्टी दिसू लागले, विशेषतः कस्टम टिंट जोडताना पाहिला गेले. आता ही समस्या सोडवण्यात आली.
