नवी दिल्ली : अनेकदा आपल्याला स्मार्टफोन घ्यायचा असतो. पण, बजेट कमी असल्याने ते घेण्याचे टाळतो. मात्र, आता तुम्हाला याची काळजी करण्याची गरज नाही. कारण, तुम्हाला 10000 रुपयांत 5G स्मार्टफोन मिळू शकणार आहे. यामध्ये तुम्हाला दमदार बॅटरीसह चांगला कॅमेराही मिळणार आहे. याचीच माहिती आम्ही तुम्हाला आज देत आहोत.
Lava Storm Play 5G या बजेटमध्ये चांगला पर्याय आहे. या ब्रँडने १०००० रुपयांपेक्षा कमी बजेटमध्ये आपला स्मार्टफोन आणला आहे. हा फोन 6GB RAM + 128GB स्टोरेजसह मिळणार आहे. याची किंमत ९९९९ रुपये असणार आहे. यात मीडियाटेक डायमेन्सिटी ७०६० प्रोसेसर 50MP कॅमेरा आणि 5000 mAh बॅटरी देण्यात आली आहे. Redmi A4 5G देखील बेस्ट असा पर्याय ठरत आहे. हा फोनही या बजेटमध्ये उपलब्ध आहे. 4GB RAM आणि 64GB स्टोरेज असलेल्या या फोनची किंमत ७४९९ रुपये आहे. यात स्नॅपड्रॅगन 4S Gen2 प्रोसेसर देण्यात आला आहे. यात ५०MP Rear Camera आणि ५१६० एमएएच बॅटरी दिली गेली आहे.
Poco M7 5G हा देखील या बजेटमध्ये फोन उपलब्ध आहे. हा फोन Redmi A4 5G चा रिब्रँडेड व्हर्जन आहे. यात 6GB RAM आणि १२८GB स्टोरेज मिळत आहे. या व्हेरिएंटची किंमत ८४९९ रुपये असणार आहे. यात ५०MP Rear Camera, ५१६० एमएएच बॅटरी आणि स्नॅपड्रॅगन प्रोसेसर देखील दिला गेला आहे.
