Jalna Crime News: जालना जिल्ह्यातील सोमठाणा गावातून धक्कादायक घटना समोर आली आहे. येथे एका महिलेने तिच्या दिरासोबत कट रचून तिच्या पतीची हत्या केली. पीडित पुरुषाची ओळख परमेश्वर राम तायडे अशी करण्यात आली आहे. ही घटना गुरुवारी सकाळी उघडकीस आली, जेव्हा तायडे यांचा मृतदेह सोमठाणा तलावात पोत्यात तरंगताना आढळला. सुरुवातीला मृतदेहाची ओळख पटलेली नव्हती, परंतु तपासानंतर त्याची ओळख निश्चित झाली. पोलिसांनी घटनास्थळी पोहोचून पंचनामा केला आणि साक्षीदारांचे जबाब नोंदवले. तथापी, पीडिताचे वडील राम नाथ तायडे यांनी तक्रार दाखल करून खुनाचा गुन्हा नोंदविला.
हेही वाचा – पिंपरी चिंचवड गोळीबाराने हादरले! मित्रांकडून व्यावसायिकाचा खून; व्यवहाराच्या वादातून हत्या
पोलीसांनी तपास सुरु केला असता, पीडिताची पत्नी मनीषा आणि धाकटा भाऊ ज्ञानेश्वर यांची चौकशी सुरु केली. सुरुवातीला दोघांनी तथ्य टाळण्याचा प्रयत्न केला, परंतु नंतर त्यांनी तायडे यांची हत्या केली असल्याची कबुली दिली. तपासात समोर आले की, मनीषा आणि ज्ञानेश्वर यांच्यात गुप्त प्रेमसंबंध होते. परमेश्वर हा नात्याचा अडथळा ठरत असल्यामुळे त्यांनी त्याला मारण्याचा कट रचला. आरोपी दोघांनी तायडेच्या डोक्यावर आणि चेहऱ्यावर कुऱ्हाडीने वार करून त्याची हत्या केली.
हत्या केल्यावर मृतदेहाचा तलावात फेकला
हत्या केल्यानंतर, मनीषा आणि ज्ञानेश्वर यांनी मृतदेह एका पोत्यात भरला, दोरीने बांधला आणि सोमठाणा तलावात फेकला. मृतदेह पाण्यावर तरंगू नये म्हणून त्यांनी पोत्यात दगड भरले. या प्रकरणी दोघांनाही अटक करण्यात आली असून, पोलिस या प्रकरणाचा अधिक तपास करत आहेत.
