Russia Plane Crash: रशियातील इवानोव्हो प्रदेशात एक An-22 विमान कोसळले. सुरुवातीच्या माहितीनुसार, हे विमान रशियन संरक्षण मंत्रालयाचे होते आणि त्यात ७ जण होते. मॉस्कोपासून ३२१ किमी ईशान्येकडील इवानोव्होच्या फुरमानोव्स्की जिल्ह्यात हा अपघात झाला. आपत्कालीन सेवा पथके अपघातस्थळी रवाना करण्यात आली आहेत. बचाव कार्य सुरू आहे. क्रू सदस्यांबद्दल अद्याप कोणतीही माहिती जाहीर केलेली नाही आणि अपघाताचे कारणही निश्चित झालेले नाही.
An-22 हे जगातील सर्वात मोठे टर्बोप्रॉप विमान आहे. टर्बोप्रॉप विमान इंधन-कार्यक्षम आहे, जड भार सहन करण्यास सक्षम आहे आणि बहुतेकदा देशांतर्गत उड्डाणे, मालवाहू आणि लष्करी वाहतुकीसाठी वापरले जाते. ATR-72 आणि Dash-8 हे देखील टर्बोप्रॉप विमान आहेत. An-22 हे १९६० च्या दशकात कीवमधील ओ.के. अँटोनोव्ह एरोनॉटिकल सायंटिफिक अँड टेक्निकल कॉम्प्लेक्सने बनवले होते. हे विमान ६० टनांपर्यंत माल, २९० सैन्य किंवा १५० पॅराट्रूपर्स वाहून नेऊ शकते.
हेही वाचा – Sangli News: चारच महिन्यांपूर्वी लग्न अन् ट्रॅक्टर उलटून तरुण ठार; मदतीसाठी गेलेल्या रूग्णवाहिकेचा अपघात
सप्टेंबर आणि नोव्हेंबरमध्ये विमान अपघात
यापूर्वी, ४ सप्टेंबर रोजी, रियाझान प्रदेशात एक X-32 बेकास विमान कोसळले. हे हलके विमान अलेक्झांडर नेव्हस्की जिल्ह्यात कोसळले, ज्यामध्ये पायलटचा मृत्यू झाला. नोव्हेंबर २०२५ मध्ये, रशियन हवाई दलाचे एक Su-30 लढाऊ विमान देखील करेलिया येथे कोसळले, ज्यामध्ये दोन पायलटांचा मृत्यू झाला होता.
