Kanika Kapoor: मेघालयातील मे’गॉन्ग फेस्टिव्हल 2025 दरम्यान बॉलिवूड गायिका कनिका कपूरसोबत लाइव्ह परफॉर्मन्सदरम्यान भयंकर कृत्य घडलं. शनिवारी रात्री (६ डिसेंबर) झालेल्या या घटनेने केवळ प्रेक्षकांनाच नव्हे तर संपूर्ण सोशल मीडियालाही हादरवून सोडले आहे. कनिका कपूर तिचे लोकप्रिय गाणे “काला चष्मा” सादर करत असताना, गर्दीतून एक युवक अचानक मंचावर चढला. सुरक्षा वर्तुळ भेदत त्याने कनिकाच्या जवळ जाऊन तिचे पाय पकडले आणि तिला उचलण्याचा प्रयत्न केला. ही घटना इतक्या वेगाने घडली की क्षणभर सर्वजण स्तब्ध झाले. कनिका क्षणभर विचलित झाली, तरीही तिने गाणे थांबवले नाही. परिस्थिती ओळखताच सुरक्षा रक्षक आणि तिची टीम ताबडतोब पुढे धावत आली आणि त्यांनी चाहत्याला मंचावरून खाली उतरवले.
हेही वाचा – माधुरी दीक्षित राजकारणात प्रवेश करणार? ‘धकधक गर्ल’ने मुलाखतीत केला मोठा खुलासा
महिलांच्या सुरक्षिततेवर प्रश्नचिन्ह
या संपूर्ण घटनेचा व्हिडिओ सोशल मीडियावर वेगाने व्हायरल होत आहे. अनेक वापरकर्त्यांनी महिलांच्या सुरक्षिततेबद्दल गंभीर चिंता व्यक्त केली आहे. एका वापरकर्त्याने लिहिले, “भारतात कोणतीही महिला सुरक्षित नाही. हजारो लोकांच्या गर्दीत असे होऊ शकते तर एकटी महिला किती असुरक्षित असेल?” तर दुसऱ्याने प्रतिक्रिया दिली, ‘महिला सुरक्षित नाहीत. मुलांना आदर शिकवणे हीच खरी गरज आहे.’ या प्रकारानंतर मोठ्या सार्वजनिक कार्यक्रमांतील सुरक्षा व्यवस्थेची पुरेशी कडक अंमलबजावणी होत आहे का, यावरही प्रश्न उपस्थित केले जात आहेत.
View this post on Instagram
कनिका कपूर बॉलिवूडची स्टार गायिका
कनिका कपूर ही बॉलिवूडमधील अग्रणी गायिकांपैकी एक असून तिचे इंस्टाग्रामवर 1.4 कोटी फॉलोअर्स आहेत. लखनऊमध्ये जन्मलेल्या कनिकाने 2012 मध्ये मुंबईत येऊन आपली संगीत कारकीर्द सुरू केली. तिला खऱ्या अर्थाने लोकप्रियता मिळाली ती “बेबी डॉल” या सुपरहिट गाण्यामुळे, ज्याने तिला राष्ट्रीय स्तरावर स्टारडम मिळवून दिले. त्यानंतर तिची “चिट्टियां कलैयां”, “लवली”, “कमली”, “देसी लूक” यांसारखी अनेक गाणी सुपरहिट ठरली.
