मुंबई : काँग्रेस पक्षाला आणखी एक धक्का बसला असून महाराष्ट्र प्रदेश महिला काँग्रेसच्या नेत्या संगीता तिवारी यांनी आपल्या सदस्यत्वाचा राजीनामा दिला आहे. त्यांनी हा राजीनामा काँग्रेसचे प्रदेशाध्यक्ष हर्षवर्धन सपकाळ यांच्याकडे सुपूर्द केला आहे.
सूत्रांच्या माहितीनुसार, विधानसभा निवडणुकीपासून संगीता तिवारी या काँग्रेस पक्षातील घडामोडींवर नाराज होत्या. पक्षांतर्गत दुर्लक्ष, संघटनात्मक निर्णय आणि भूमिका यामुळे त्या असमाधानी असल्याची चर्चा होती. अखेर या नाराजीचा परिणाम म्हणून त्यांनी महाराष्ट्र प्रदेश महिला काँग्रेसच्या सदस्यत्वाचा राजीनामा देण्याचा निर्णय घेतल्याचे सांगितले जात आहे.
संगीता तिवारी यांच्या राजीनाम्यामुळे महिला काँग्रेसमध्ये खळबळ उडाली असून, आगामी काळात त्या कोणती भूमिका घेणार याकडे राजकीय वर्तुळाचे लक्ष लागले आहे.
Bookmark (0)
Please login to bookmark
Close
