नवी दिल्ली : सध्या गुगलचा वापर वाढताना दिसत आहे. या वर्षाच्या सुरुवातीला, गूगलने सर्चिंग सुधारण्यासाठी पर्सनल इंटेलिजन्स फीचर लाँच केले होते. हे फीचर या वर्षाच्या सुरुवातीला अमेरिकेत लाँच झाले होते आणि आता भारतातही लाँच करण्यात आले आहे. जेमिनीसाठी असलेले पर्सनल इंटेलिजन्स फीचर युजर्सना अधिक चांगला सर्चिंग अनुभव देईल.
गुगलचे हे नवीन फीचर जीमेल, गूगल फोटोज, यूट्यूब आणि गूगल सर्च यांसारख्या गूगल ॲप्समधील माहिती सुरक्षितपणे एकत्र करते आणि नंतर युजर्सच्या पसंतीनुसार उत्तरे देते. पर्सनल इंटेलिजन्स फीचर मूलतः दोन क्षमतांवर काम करते. एक म्हणजे माहितीचे गुंतागुंतीचे आणि विखुरलेले स्रोत समजून घेणे. दुसरे म्हणजे कनेक्ट केलेल्या ॲप्समधून विशिष्ट माहिती काढणे. ही प्रणाली मजकूर, फोटो आणि व्हिडिओ डेटा एकत्र करून एआय-आधारित उत्तरे प्रदान करते.
गूगलचा दावा आहे की, हे फीचर युजर्सच्या गोपनीयतेचा विचार करून तयार केले गेले आहे. हे वैशिष्ट्य सामान्यतः निष्क्रिय केलेले असते आणि युजर्सना ते स्वतःहून चालू करावे लागते. यामुळे युजर्सना संपूर्ण नियंत्रण मिळते, ज्यामुळे ते ठरवू शकतात की कोणते ॲप्स डेटा ॲक्सेस करू शकतात.
