नवी दिल्ली : Vivo ने भारतात Vivo T5 Pro 5G हा नवीन स्मार्टफोन लाँच केला आहे. हा मिड-रेंज स्मार्टफोन 9020mAh बॅटरी असलेला सर्वात स्लिम हँडसेट असल्याचा दावा कंपनीकडून केला जात आहे. यात इतरही प्रभावी फीचर्स मिळत आहेत. या Vivo हँडसेटमध्ये 144Hz रिफ्रेश रेट आहे, ज्यामुळे गेमिंगचा अनुभव चांगला मिळतो.
अमेरिकन चिपसेट कंपनी क्वालकॉमचा स्नॅपड्रॅगन 7s Gen 4 प्रोसेसर वापरण्यात आला आहे. Vivo T5 Pro 5G ची किंमत 8GB + 128GB स्टोरेज मॉडेलसाठी 29999 पासून सुरू होते. 8GB + 256GB मॉडेलची किंमत 33999 आहे. टॉप-एंड व्हेरिएंटची किंमत 39999 आहे. Vivo T5 Pro 5G ची विक्री 21 एप्रिल रोजी सुरू होईल. हा फोन ई-कॉमर्स प्लॅटफॉर्म फ्लिपकार्ट, विवो इंडिया ई-स्टोअर आणि ऑफलाइन स्टोअर्समधून खरेदी करता येईल. लाँच ऑफरचा भाग म्हणून, ३००० चा इन्स्टंट कॅशबॅक उपलब्ध असेल.
Vivo T5 Pro 5G मध्ये ६.८३-इंचाचा १.५के (१.५के रिझोल्यूशन) अमोलेड डिस्प्ले आहे. यात १४४Hz रिफ्रेश रेट आणि ५,००० निट्सची पीक ब्राइटनेस मिळते. स्नॅपड्रॅगन ७एस जेन ४ (४एनएम) चिपसेट वापरण्यात आला आहे. ग्राफिक्ससाठी ॲड्रेनो ८१० जीपीयू वापरला आहे. यात ड्युअल-सिम सपोर्ट असून तो अँड्रॉइड १६-आधारित ओरिजिनओएस ६ वर चालतो. सुरक्षेसाठी, यात इन-डिस्प्ले फिंगरप्रिंट स्कॅनर आहे.
