मुंबई : बॉलिवूडमध्ये जेव्हा जेव्हा धोकादायक स्टंट आणि ॲक्शनची चर्चा होते, तेव्हा ‘खिलाडी’ अक्षय कुमारचे नाव सर्वात आधी येते. मार्शल आर्ट्समध्ये पारंगत असलेल्या अक्षयने आपल्या कारकिर्दीत अनेक धोकादायक स्टंट केले आहेत. पण तुम्हाला माहीत आहे का हे स्टंट करताना अक्षय कुमारच्या हे जीवावर बेतलं असतं.
अक्षय कुमारने ‘सैनिक’ चित्रपटातील एका प्रसंगाची आठवण सांगितली, जिथे त्याला एका इमारतीवरून दुसऱ्या इमारतीवर उडी मारायची होती. त्या दृश्यादरम्यान एका क्षणासाठी त्याला वाटले की तो खाली पडेल. तेव्हा व्हीएफएक्स वगैरे काहीच नव्हते…सर्व काही मला स्वतःच करावे लागत होते. ‘इंटरनॅशनल खिलाडी’ चित्रपटाच्या चित्रीकरणादरम्यान एक मोठा अपघातही थोडक्यात टळला. अक्षयने खुलासा केला की, ”एका स्टंटदरम्यान त्याच्या शरीराचा अर्धा भाग जवळजवळ तुटला होता. तो कसा वाचला हे मला अजूनही कळत नाही…हा निव्वळ एक चमत्कार होता.”
‘खिलाडी ७८६’ चित्रपटातील आणखी एका धोकादायक स्टंटची आठवण सांगताना अक्षयने स्पष्ट केले की, त्याला हॉट एअर बलूनमधून उडी मारायची होती. हा स्टंट अत्यंत धोकादायक होता, पण तो कसातरी बचावला. अक्षय कुमार त्याच्या ‘भूत बंगला’ या चित्रपटामुळे चर्चेत आहे. हा चित्रपट १७ एप्रिल रोजी चित्रपटगृहांमध्ये प्रदर्शित झाला आणि बॉक्स ऑफिसवर प्रचंड कमाई करत आहे. चित्रपटाला प्रेक्षकांकडून खूप सकारात्मक प्रतिसाद मिळत आहे.
