मुंबई : शेअर मार्केटमध्ये सातत्याने चढउतार पाहिला मिळत आहे. त्यात आठवड्याच्या चौथ्या दिवशी गुरुवारी शेअर बाजारात जोरदार तेजी सुरू झाली. बीएसईच्या ३० शेअर्सच्या सेन्सेक्स निर्देशांकाने सुरुवात होताच वेग वाढला. व्यवहार सुरू होताच तो पुन्हा एकदा ८३००० चा टप्पा ओलांडला. तर एनएसईच्या निफ्टी-५० मध्येही प्रचंड वाढ दिसून आली.
निफ्टी १२० अंकांपेक्षा जास्त वाढून २५४०० च्या वर गेला. त्यात टाटांपासून अदानीपर्यंतच्या कंपन्यांचे शेअर्स ग्रीन झोनमध्ये व्यवहार करताना दिसले. बीएसई सेन्सेक्सने सुरुवातीच्या वेळी तेजी दाखवली. सेन्सेक्स ८२७९४.७९ वर उघडला, जो त्याच्या मागील बंद ८२६०५.४३ पेक्षा जास्त होता. त्यानंतर अचानक तेजीत दिसून आला. काही मिनिटांतच ४०० अंकांपेक्षा जास्त वाढून ८३०६१.१७ वर व्यवहार करताना दिसून आला. एनएसई निफ्टीची घडामोड सेन्सेक्सइतकीच प्रभावी होती.
२५३९४.९० वर उघडल्यानंतर, त्याच्या मागील बंद २५३२३.५५ पेक्षा जास्त निफ्टी निर्देशांक देखील वेगाने वाढू लागला. त्यानंतर तो १२० पेक्षा जास्त अंकांनी वाढून २५४५२.७५ वर व्यवहार करताना दिसून आला. बाजारातील वाढीदरम्यान, सुरुवातीच्या व्यवहारात सर्वात वेगाने वाढणारे स्टॉक टाटा ग्रुप कंपनी टायटन (२.५०%), अॅक्सिस बँक (३.७०%), एम अँड एम (२%), अदानी पोर्ट्स (१.७०%) आणि टाटा मोटर्स (१.६५%) यांचा समावेश होता, हे सर्व लार्ज-कॅप श्रेणीतील होते.
