पुणे : बँकेत नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, राष्ट्रीयीकृत बँक अशी ओळख असलेल्या बँक ऑफ इंडिया येथे नोकरीची संधी उपलब्ध झाली आहे. यामध्ये अनेक रिक्त पदांवर भरती केली जात आहे. यामध्ये निवड झालेल्या उमेदवाराला 120000 रुपयांपर्यंत मिळू शकतो.
बँक ऑफ इंडिया येथे मुख्य व्यवस्थापक, वरिष्ठ व्यवस्थापक, कायदा अधिकारी आणि व्यवस्थापक या पदांसाठी भरती प्रक्रिया सुरु होत आहे. यासाठी ऑनलाईन पद्धतीने अर्ज करता येणार आहे. यामध्ये निवड झालेल्या उमेदवाराला देशभरात कुठंही जाऊन नोकरी करावी लागणार आहे. या प्रक्रियेंतर्गत 115 रिक्त पदे भरली जाणार आहेत. संबंधित उमेदवाराची निवड ही परीक्षा, मुलाखतीच्या माध्यमातून केली जाणार आहे.
अशी असेल भरती प्रक्रिया…
– पदाचे नाव : मुख्य व्यवस्थापक, वरिष्ठ व्यवस्थापक, कायदा अधिकारी आणि व्यवस्थापक.
– एकूण रिक्त पदे : 115 पदे.
– नोकरीचे ठिकाण : संपूर्ण भारत.
– वेतन / मानधन : दरमहा रु. 64820/- ते रु. 120940/- पर्यंत.
– अर्ज करण्याची पद्धत : ऑनलाईन.
– अर्ज प्रक्रिया सुरू होण्याची तारीख : 17 नोव्हेंबर 2025.
– अर्ज करण्याची शेवटची तारीख : 30 नोव्हेंबर 2025
– या भरती प्रक्रियेबाबत अधिक माहितीसाठी https://bankofindia.co.in/ अधिकृत वेबसाईटवरून माहिती घेता येणार आहे.
