मुंबई : महाराष्ट्र वेगाने भारतातील प्रमुख लॉजिस्टिक्स हब म्हणून उदयास येत आहे. हे स्थान अधिक मजबूत करण्यासाठी देशातील सर्वात मोठा लॉजिस्टिक्स शो ‘लॉजिमेंट इंडिया २०२५’ १३ ते १५ फेब्रुवारी २०२५ दरम्यान मुंबईतील बॉम्बे एक्झिबिशन सेंटरमध्ये १५ हून अधिक जागतिक संघटना, १४० हून अधिक बहुराष्ट्रीय कंपन्या आणि आघाडीच्या थिंक टँकना एकत्र आणणार आहे.
लॉजिस्टिक्स आणि वेअरहाऊसिंग क्षेत्रात गुंतवणूक वाढवून २०२८ पर्यंत १ ट्रिलियन डॉलर्सची अर्थव्यवस्था बनण्याच्या महाराष्ट्राच्या महत्त्वाकांक्षी ध्येयाशी हा शो सुसंगत आहे. याबाबत मेस्से स्टुटगार्ट इंडियाचे सीईओ आदित्य गुप्ता म्हणाले की, महाराष्ट्राच्या लॉजिस्टिक्स धोरणाशी असलेले आमचे दृढ संबंध लक्षात घेऊन आम्ही दुसऱ्या आवृत्तीसाठी मुंबईला ‘लॉज़िमॅट इंडिया २०२५’ चे यजमान शहर म्हणून निवडले. आमचे ध्येय पुढील दशकात राज्याच्या अर्धा दशलक्ष प्रत्यक्ष आणि अप्रत्यक्ष नोकऱ्या निर्माण करण्याच्या आणि गोदाम, शिपिंग, मालवाहतूक आणि वाहतुकीतील गंभीर आव्हानांना तोंड देण्यासाठी प्रमुख सार्वजनिक आणि खासगी क्षेत्रातील भागधारकांना एकत्र आणून ३०,५७३ कोटी रुपयांचे उत्पन्न निर्माण करण्याच्या दृष्टिकोनाला पाठिंबा देणे आहे.
या शोचे उद्दिष्ट लॉजिस्टिक्स क्षेत्रातील अंतर कमी करणे आणि अर्थपूर्ण सहकार्य वाढवणे आहे. १४० हून अधिक कंपन्या, ६० हून अधिक प्रमुख वक्ते व उद्योग नेते आणि १५ हून अधिक प्रमुख संघटनांसह लॉजिस्टिक्स पॉवरहाऊस म्हणून महाराष्ट्राची पूर्ण क्षमता उघड करण्यासाठी एक शक्तिशाली व्यासपीठ म्हणून काम करते, राज्याला एक प्रमुख जागतिक लॉजिस्टिक्स हब म्हणून स्थान देण्याच्या सरकारच्या प्रयत्नांना बळकटी देत आहे.
