मुंबई : देशातील सर्वात मोठी विमा कंपनी भारतीय जीवन विमा महामंडळ अर्थात LIC सर्व वयोगटांसाठी विविध योजना चालवते. यापैकी काही नियमित उत्पन्नाचे आश्वासन देखील देते. जे निवृत्तीनंतर आर्थिक आरोग्य राखण्यास मदत करू शकते. एलआयसी स्मार्ट पेन्शन योजना खूप लोकप्रिय आहे. ही एक तात्काळ वार्षिकी योजना आहे, ज्यामध्ये पेन्शनची कमाई एक-वेळच्या एकरकमी गुंतवणुकीनंतर सुरू होते आणि आयुष्यभर मिळते.
एलआयसीची स्मार्ट पेन्शन योजना विशेषतः अशा गुंतवणूकदारांसाठी आदर्श मानली जाते जे शेअर बाजारातील चढ-उतारांपासून दूर राहून हमी आणि नियमित उत्पन्नासाठी गुंतवणूक करण्याची योजना आखत आहेत. ही एक नॉन-लिंक्ड आणि नॉन-पार्टिसिपेटिंग एलआयसी योजना आहे, म्हणजे त्यात शून्य बाजार जोखीम आहे (झिरो रिस्क पेन्शन योजना). एलआयसी स्मार्ट पेन्शन योजनेत किमान वार्षिकी खरेदी रक्कम १ लाख आहे, तर कमाल गुंतवणूक मर्यादा नाही, म्हणजेच तुम्ही तुमच्या इच्छेनुसार गुंतवणूक करू शकता.
स्मार्ट पेन्शन प्लॅनमधील पेन्शन पॉलिसी खरेदीच्या वेळी निश्चित केले जाते आणि नंतर आयुष्यभर दिले जाते. तुम्ही ही पॉलिसी तुमच्या जोडीदारासोबत एकल किंवा संयुक्त पॉलिसी म्हणून उघडू शकता. पॉलिसीधारक त्यांच्या गरजांनुसार मासिक, त्रैमासिक, सहामाही किंवा वार्षिक पेन्शन पर्यायांमधून निवडू शकतो.
असे मिळतील 10880 रुपये…
एलआयसी स्मार्ट पेन्शन प्लॅन अंतर्गत १०००० पेक्षा जास्त मासिक उत्पन्नाची गणना करणे अगदी सोपे आहे. ही योजना खरेदी करताना गुंतवणूकदारांना २० लाखांची एकरकमी गुंतवणूक करावी लागेल आणि एलआयसी कॅल्क्युलेटरनुसार, यामुळे दरवर्षी १३६००० उत्पन्न होईल.
