नवी दिल्ली : जगभरात पुन्हा एकदा टॅरिफ युद्ध सुरू होताना दिसत आहे. अमेरिकेने यापूर्वी टॅरिफ वाढवून अनेक देशांना धक्का दिला होता. त्यानंतर आता मेक्सिको टॅरिफ लादणार आहे. चीनसह अनेक आशियाई देशांमधून येणाऱ्या वस्तूंवर अमेरिकेप्रमाणेच ५० टक्क्यांपर्यंत उच्च टॅरिफ (मेक्सिको ५०% टॅरिफ) लादले आहे. सिनेटने या प्रस्तावाला मान्यता दिली आहे आणि हे नवीन टॅरिफ पुढील वर्षी २०२६ पासून लागू केले जाणार आहे.
मेक्सिकोने वाढवलेले हे टॅरिफ पुढील वर्षी, २०२६ पासून लागू होतील. या निर्णयाचा सर्वाधिक परिणाम झालेल्या देशांमध्ये चीन, भारत, दक्षिण कोरिया, थायलंड आणि इंडोनेशिया यांचा समावेश आहे. पुढील वर्षापासून, मेक्सिको या देशांमधून आयात होणाऱ्या ऑटो पार्ट्स, कापड, स्टील आणि इतर वस्तूंवर ५० टक्क्यांपर्यंत कर आकारणार आहे. सिनेटच्या ठरावानुसार, इतर अनेक वस्तूंवरील कर देखील ३५ टक्क्यांपर्यंत वाढवण्यात आला आहे. मेक्सिकन सिनेटने या कर वाढीच्या बाजूने ७६ टक्के मतदान केले, तर ५ टक्के विरोधात मतदान केले.
अमेरिकेच्या निर्णयाचे अनुकरण करून, मेक्सिकोने आपल्या स्थानिक उद्योगांना चालना देण्यासाठी कर वाढवण्याचे हे पाऊल उचलले आहे. असे जरी असले तरी याचा किती परिणाम होईल हे येत्या दिवसात समजू शकणार आहे. दरम्यान, मेक्सिकोने यापूर्वी अमेरिकेला खूश करण्याच्या प्रयत्नात चिनी वस्तूंवर शुल्क वाढवण्याची घोषणा केली होती, परंतु त्याचा फारसा परिणाम झाला नाही.
