मुंबई : बँकेतील तुमच्या खात्यावर तुम्हाला चांगले व्याज मिळू शकते. जेव्हा तुम्ही खाते उघडायला जाता तेव्हा तुम्ही सर्व कागदपत्रे आणि ऑनलाईन प्रोसेस पूर्ण करता. मात्र, तुमच्या बँक खात्याच्या फायद्यांबद्दल तुम्हाला माहिती नसते. फक्त तुमचे डेबिट कार्ड असते. बँक जास्त काही माहितीही देत नाही. पण, तुम्ही तुमच्या बचत किंवा चालू खात्यातील ठेवींवर तिप्पट व्याज मिळवू शकता.
सामान्यत: बँका मुदत ठेवी करणाऱ्या ग्राहकांना ७-८% व्याज देतात आणि अनेक जण त्याहूनही जास्त देतात. बचत किंवा चालू खात्यावर सरासरी व्याज सुमारे २.५% असते. मात्र, थोड्याशा सामान्य ज्ञानाने, तुम्ही तुमच्या खात्यावर तिप्पट व्याज किंवा एफडीइतकाच व्याजदर मिळवू शकता. हा लाभ घेण्यासाठी तुम्हाला फक्त तुमच्या बँकेला भेट द्यावी लागेल आणि ऑटो स्वीप सेवा ऍक्टिव्हेट करण्यास सांगावे लागेल. ही सेवा मिळविण्यासाठी, तुम्हाला फक्त तुमच्या बँकेत जाऊन ते ऍक्टिव्हेट करण्यास सांगावे लागेल.
ऑटो स्वीप सेवा खातेधारकांना अतिरिक्त निधीवर जास्त व्याज मिळवण्यास थेट मदत करते. बचत खात्यात ही सेवा सक्षम करून, जेव्हा तुमच्या बचत किंवा चालू खात्यातील शिल्लक स्वीप मर्यादेपेक्षा जास्त असते तेव्हा ऑटो स्वीप सक्रिय होते. यामुळे अतिरिक्त निधीला बँक एफडीला लागू असलेल्या व्याजदरापेक्षा खात्याला लागू असलेला व्याजदर मिळतो.
