मुंबई: अभिनेते मुकुल देव यांचे २३ मे रोजी निधन झाले. काही दिवसांपासून त्यांची प्रकृती ठीक नसल्याने ते आयसीयूमध्ये होते. ५४ वर्षीय अभिनेत्याच्या पश्चात त्यांचा भाऊ राहुल देव असा परिवार आहे. ‘सन ऑफ सरदार’ मध्ये मुकुलसोबत काम केलेले विंदू दारा सिंग यांनी इंडिया टुडेला या वृत्ताची पुष्टी केली. मुकुल यांना मोठ्या पडद्यावर पाहू शकणार नाही, याबद्दल त्यांनी दुःख व्यक्त केले.
मुकुल हे हिंदी आणि पंजाबी चित्रपट, दूरदर्शन मालिका आणि संगीत अल्बममधील त्यांच्या कामासाठी ओळखले जात होते. ते काही बंगाली, मल्याळम, कन्नड आणि तेलगू चित्रपटांमध्येही दिसले. ‘यमला पगला दीवाना’ मधील त्यांच्या अभिनयासाठी त्यांना सर्वोत्कृष्ट अभिनेत्याचा पुरस्कार देखील मिळाला आहे.
दिल्लीत जन्मलेल्या या अभिनेत्याने १९९६ मध्ये ‘मुमकिन’ या मालिकेद्वारे विजय पांडेची भूमिका साकारून टीव्हीवर आपल्या कारकिर्दीची सुरुवात केली. त्यांनी दूरदर्शनच्या कॉमेडी बॉलीवूड काउंटडाउन शो ‘एक से बढकर एक’ मध्ये देखील काम केले. 1996 मध्ये सुष्मिता सेनसोबत एसीपी रोहित मल्होत्रा म्हणून ‘दस्तक’ चित्रपटाद्वारे बॉलिवूडमध्ये पदार्पण केले. तेकिला’ (1998), ‘वजूद’ (1998), ‘कोहराम’ (1999) और ‘मुझे मेरी बीवी से बचाओ’ (2001) यांसारख्या चित्रपटांचा भाग होते.
