महाराष्ट्र जागरण डेस्क: नयनताराने नुकत्याच दिलेल्या एका मुलाखतीत तिच्या वैयक्तिक आयुष्याबद्दल मोकळेपणाने सांगितले. अभिनेत्रीने सांगितले की, तिच्या आयुष्यात एक वेळ आली, जेव्हा तिने दोन वर्षांचे करिअर पणाला लावले. या अभिनेत्रीचे प्रभू देवावर इतके प्रेम होते की तिने २०११ मध्ये विवाहित प्रभू देवासाठी आपले करिअर पणाला लावले होते. हा ब्रेक दोन वर्षांचा होता.
यामागचे कारणही अभिनेत्रीने उघड केले. नयनताराने प्रभू देवासोबतच्या तिच्या अफेअरबद्दल अनेक गोष्टी सांगितल्या. अभिनेत्री म्हणाली, मी त्यावेळी अशा टप्प्यात होते की, मी प्रेमासाठी काहीही तडजोड करू शकते. कारण, मला माझ्या आयुष्यात प्रेम हवे होते. त्यावेळी ती अगदी तरुण होती. नयनतारा म्हणाली की, मी याला वाईट किंवा काहीही म्हणत नाही; पण हा उद्योग मी बराच काळ असाच पाहिला. त्यामुळे त्यावेळी मला वाटले की, ते ठीक आहे.
माझ्या आतल्या मुलीला खरेच वाटत होते की, आयुष्यात प्रेमाची गरज असेल तर कुठेतरी तडजोड करावी लागेल. आपण आपले सर्व देणे आवश्यक आहे. तुमची कोणतीही गोष्ट तुमच्या जोडीदाराला आवडत नसेल, तर तुम्ही त्याग करावा. त्यावेळी प्रेमाची ही माझी समज होती. मी आज जी काही आहे ती त्या नात्यामुळे. ते नाते नसते तर मी काही नसते. त्याच्यामुळेच मला काहीतरी बनण्याची ताकद मिळाली; अन्यथा मी काय करण्यास सक्षम आहे, हे मला समजले नसते.
