वजन कमी करण्याचा अंडे हा एक स्वस्त आणि सोपा मार्ग मानला जातो. कारण त्यात असंख्य जीवनसत्त्वे आणि खनिजे असतात आणि ते प्रथिनांचा एक चांगला स्रोत देखील असतात. फक्त तुम्ही अंडी खाता की नाही यावर अवलंबून नाही तर ती कशी शिजवली जातात यावर देखील अवलंबून असते.
अंडी खाण्याचा शरीरावर कसा परिणाम होतो आणि कोणते अंडे वजन कमी करण्यासाठी अधिक फायदेशीर आहे, याची माहिती अभ्यासातून समोर आली आहे. अंडी शिजवण्याची पद्धत त्यांच्यातील प्रथिनांचे शोषण आणि पचन प्रभावित करते. जेव्हा अंडी उकळली जातात तेव्हा कोणतेही तेल वापरले जात नाही, त्यामुळे अतिरिक्त कॅलरीज नष्ट होतात. उकडलेले अंडे एक स्थिर प्रथिन रचना राखतात जी शरीरासाठी फायद्याची ठरू शकते. पण, जेव्हा आपण ऑमलेट बनवण्यासाठी तेल, तूप किंवा बटर वापरले जाते तेव्हा ते अतिरिक्त कॅलरीज वाढवते.
काही लोक ऑमलेटमध्ये चीज किंवा प्रोसिड मीट देखील घालतात, ज्यामुळे फॅट्स आणि सोडियमचे प्रमाण वाढते. उकडलेले अंडे वजन कमी करण्यासाठी अधिक फायदेशीर असू शकतात. तर ऑम्लेट अतिरिक्त कॅलरीज देऊ शकतात. उकडलेल्या अंड्यांमध्ये कॅलरीज कमी असतात आणि प्रथिनांचा स्रोत जास्त असतो. यामुळे पोट जास्त काळ भरलेले राहण्यास मदत होते. ज्यामुळे वारंवार भूक लागणे टाळता येते. उकडलेल्या अंड्यात तेल किंवा बटर वापरला जात नाही, त्यामुळे शरीराला अतिरिक्त कॅलरीज वाढण्यापासून रोखले जाते.
